Webgunea aurkeztea

2013ko urriaren 22aComentarios visibles 0 Iruzkinak

Egungo agertoki arauemailean, ez dugu ezkutatu behar zein zaila den "azken modan" ibiltzea edo, zehazkiago esanda, zenbat denbora eman behar dugun horretarako. Adierazi beharra dago, halaber, gure jarduerak eta proiektuak garatzerakoan sinergia-galerak izan ditugula, ez baititugu eskura izan beste batzuek egin ahal izan dituzten esperientziak edo produktuak. Maiz samar, tamalez, lan bat erdi-egina daukagunean edo amaitzen ari garenean, konturatzen gara horren antzeko samarrak eginda zeudela eta, jakin izanez gero, gure lana errazago egin genezakeela.

 

Horiek horrela, WEBGUNE honen funtsezko helburua da, besteak beste, Lanbide Heziketaren esparruko araudi, produktu, esperientzia eta abarri buruzko informazio- eta jakintza-premia horri erantzutea.

 

Asmo handikoak izan nahi dugu eta WEBGUNEA era guztietako erabiltzaileentzat egituratu: zuzendaritza-taldeentzat, irakasleentzat, ikasleentzat, administrazioaren beste sail batzuetako teknikarientzat… Egia esan, GUZTIONTZAKO WEBGUNEA egitea dugu helburu.

 

Baina aitortu behar dizuegu hasiera hau "eraikin" handi baten "pieza" bat dela, eta osorik eraikitzeko zuen laguntza behar dugula. Zuen ekarpenen beharra daukagu: zer egin dezakegun, zer ikusten duzuen falta dela, zein egitura diren informazioa ematen dutenak… Laburbilduz, zuen ekarpenak jasotzeak adieraziko digu bide onetik goazela, hots, Euskal Autonomia Erkidegoan Lanbide Heziketako informazioaren eta jakintzaren eraikina egiten ari garela. Bihotz-bihotzez: ESKERRIK ASKO

 

Webgunea aurkezteko egunak:

                   Urriaren 22an, asteartea, 12:00etan, Gasteizko IEFPS Mendizabala GLHBI ikastetxean

                   Urriaren 23an, asteazkena, 12:00etan, Donostiako EASO Politeknikoan

                   Urriaren 30an, asteazkena, 12:00etan, Erandioko IEFPS Tartanga GLHBI ikastetxean

Argitaratzailea Javier Mardones

Etiketak: Lanbide-heziketa

Artikulua kategoria honetakoa da Argitalpenak

Bidali artikulu honi buruzko iruzkina

Iruzkina berria

> Zure helbide elektronikoa ez da webgunean agertuko

Atzera

Kategoriak

Harpidetzaicono de email

Harpidetza

Etiketak

Harpidetza

Zure artikulua bidal iezaguzu

IVAC-EEIren blogean kolabora dezakezu. Blogean argitaratzeko artikuluren bat bidali nahi baduzu, formularioaren bitartez egin dezakezu.

 

ARTIKULU BAT BIDALTZEA

OHARRA: Artikulu eta iruzkinak jatorrizko hizkuntzan argitaratzen dira.

© IVAC/EEI 2013. Eskubide guztiak erreserbatuta / Web diseinua Labrys Igo ↑ RSS RSS feed Protección de datos y Política de Cookies