Nor gara?

Maiatzaren17o 62/2022 Dekretuaren arabera (maiatzaren 17eko EHAA, 103 zk.), Lanbide Heziketako Etorkizuneko Ikaskuntzen Euskal Institutua (EIEI) sortzen da, lanbide- heziketako egungo eta etorkizuneko ikaskuntza-beharrizanei erantzungo dieten lanbide-profil berriak eta beharrezko prestakuntza definituko dituen erakunde tekniko gisa.

Institutua lanbide-heziketako aholkularitza ematen duen erakunde teknikoa da, eta, hezkuntza- sistemaren barruan, lanbide-heziketaren arloko eskumena duen sailburuordetzara geratzen da atxikita modu organikoan. Hala, horri atxikita geratzen da organikoki eta funtzionalki, dekretu honetan zehazten diren xede eta funtzioen garapenerako.

FUNTSEZKO HELBURUAK

• Ikerketa sustatzea etorkizuneko konpetentzien, espezializazioen eta kualifikazio altuen esparruetan.

• Gure gizarte- eta produkzio-sareko egungo eta etorkizuneko beharrei erantzungo dien konpetentzien, espezializazioen eta kualifikazio altuen mapa bat finkatzea.

• Ikerketa sustatzea sortzen ari diren sektoreetako lanbide-profilen esparruan.

• Ikaskuntza aurreratuen eredu berriak definitu eta horien ezarpena sustatzea.

• Une bakoitzean eskatzen diren lanbide-profilei erantzungo dieten prestakuntza-edukiak definitzea.

• Talentuaren esparruan konpetentziak eta profil berriak egiaztatzeko sistema berriak ikertzea.

BETETZEN DITUEN FUNTZIOAK:

1. Prospektiba, elkarlaneko zaintza eta teknologiaren eboluzioa garatzea.
2. Ikaskuntza aurreratuak identifikatzea, lanbide-profil berriak diseinatzea eta egungo eta etorkizuneko prestakuntzari aurrea hartzea.
3. Etorkizunean beharko den prestakuntzaren prospekzioak egitea.
4. Prestakuntza-beharrak identifikatzea, lanbide-heziketako tituluen curriculumak garatzea eta enplegagarritasun hobea eta azkarragoa eta enpleguaren egonkortasun eta kalitate handiagoak lortzeko prestakuntza-ekintzak diseinatzea.
5. Etorkizuneko ikaskuntza berriak definitzea sortzen ari diren sektore ezezagunen beharretan oinarrituta, eta horietara egokitutako prestakuntza-programak sustatzea.
6. Konpetentziak ebaluatzeko eta egiaztatzeko prozedura garatzea, tresnak eta beharrezko erregistroak sortuz.
7. Talentuaren esparruan ebaluazio- eta egiaztapen-prozedura koordinatzea.
8. Ezarritako kualifikazio eta konpetentzien arabera, araututako lanbide jakin batzuetako edo lanean aritzeko egiaztagiri jakin bat eskatzen dutenerako eskakizunak aztertzea, prozedurei eta lanbide-erreferenteei buruzko proposamenak eginez, Eusko Jaurlaritzako dagokion sailak onar ditzan.
9. Prestakuntza-zentro eta erakunde baimenduetako pertsonentzako prestakuntza diseinatu eta ematea, konpetentzien eta talentuaren aholkularitza- eta ebaluazio-lanak garatu ahal izan ditzaten.
10. Ikaskuntza-ibilbide espezifikoak proposatzea eta diseinatzea, gizarteratzeko eta lan-munduan sartzeko zailtasun bereziak dituzten kolektiboei eta pertsonei egokituak eta zuzenduak, besteak beste desgaitasuna duten pertsonei.
11. Sistema adimendunetan oinarritutako tutoretza-sistema berriak ikertzea.
12. Irakasleentzako ikastaroak, gidak eta eskuliburuak diseinatzea eta argitaratzea.
13. Euskal Autonomia Erkidegoko Lanbide Heziketari buruzko ekainaren 28ko 4/2018 Legearen 21. artikuluak institutuari ezarritako funtzioekin lotutako eremuetan, gainerako erakunde teknikoekin eta aholkularitza-erakundeekin lankidetzan aritzea, lanbide-heziketaren gaiaren inguruan.
14. Lanbide-heziketaren eskumena duen sailburuordetzari laguntza ematea atzerritarren tituluak homologatzean edo, hala badagokio, Euskal Autonomia Erkidegoko tituluekin ikaskuntzak baliozkotzean, hura erregulatzeko araudia betez.
15. Lanbide Heziketako euskal sistemaren eta euskal unibertsitate-sistemaren arteko lankidetza sustatzen laguntzea, prestakuntza-ibilbide bateratu posibleak eta mailen arteko baliozkotze posibleak ezartzeko.

EGITURA:

ZUZENDARI BETEARAZLEA

• Miguel Ángel Gallego Conde: (direccionivaf-eiei.eus)

ZUZENDARITZA TALDEA

• Etorkizuneko Konpetentzien, Espezializazioen eta Kualifikazio Altuen Ikerketa-arloko Zuzendaria: Cristina Ascorbe Landa (cascorbeivaf-eiei.eus)

• Sortzen ari diren Lanbide-profilen eta Ikaskuntza Adimendunen Modelizazio-arloko Zuzendaria: Joseba Rodríguez Arza (jrodriguezivaf-eiei.eus)

• Talentua Egiaztatzeko eta Akreditatzeko arloaren Zuzendaria: Jose Antonio Goikoetxea Badiola (jagoikoetxeaivaf-eiei.eus)

TALDE TEKNIKOA

• Justo Javier Gimeno del Río (jjgimenoivaf-eii.eus)

• Jose María Mediavilla Pérez (josemariivaf-eiei.eus)

• Inge Prat Mendizabal (iprativaf-eiei.eus)

• Amaia Peña Muga (amaiaivaf-eiei.eus)

• Cristina Balbás Palacios (cbalbasivaf-eiei.eus)