Lanbide-arloak

Zurgintza, altzarigintza eta kortxoa - MAM

Heziketa-zikloak > Goi-maila

DISEINUKO ETA ALTZARI HORNIKUNTZAKO GOI MAILAKO TEKNIKARIA

Diseinuko eta altzari-hornikuntzako goi-mailako teknikaria (LOE)

Ikasketaren iraupena:

2.000 ordu

Sartzeko baldintzak:

Goi-mailako heziketa-ziklo batean sartzeko, honako baldintza HAUETAKOREN BAT bete behar da:
• Batxilergoko titulua edukitzea.
• Erdi-mailako teknikariaren titulua edukitzea.
• Goi-mailako zikloetara sartzeko proba (proba egiten den urtean gutxienez 19 urte beteta izan beharko da) edo 25 urtetik gorakoentzako unibertsitaterako sarbide-proba gainditu izana.
• Batxilergoko irakasgai guztiak gainditu izana egiaztatzeko ziurtagiria edukitzea.
• Hezkuntza Administrazioak baimendutako ikastetxe publiko edo pribatuetan goi-mailako heziketa-zikloetara sartzeko prestakuntza-ikastaro espezifikoa gainditu izana.
• Sarbidearen ondorioetarako beste titulazio baliokide batzuk:

o Hezkuntza Sistemaren Antolamendu Orokorrari buruzko Lege Organikoan (urriaren 3ko 1/1990) ezarritako Batxilergoko titulua edukitzea.
o Batxilergo esperimentaleko edozein modalitatetako bigarren kurtsoa gainditu izana.
o Unibertsitatera Bideratzeko Ikasturtea (UBI) edo unibertsitate aurrekoa gainditu izana.
o Goi-mailako teknikariaren edo teknikari espezialistaren titulua edukitzea, edo ondorio akademikoetarako baliokidea den besteren bat.
o Unibertsitate-titulazioa edo baliokidea edukitzea.


Zer ikasiko dut? Zer egingo dut?

• Altzarien eta zurezko arotzeriako elementuen diseinu-proposamenak egitea, merkatuko joerak eta beharrak identifikatuta.
• Arotzeriako eta altzarigintzako produktuen diseinu teknikoa egitea, horien bideragarritasun teknikoa eta ekonomikoa ziurtatuta.
• Altzarien eta arotzeriako elementuen diseinua optimizatzea, prototipoen eta saiakuntzen emaitzazko aldaketak txertatuta.
• Altzarigintzako soluzioak proposatzea, eta, horretarako, bezeroaren eskakizunak betetzea eta horiek gauzatzeko baldintzatzaile teknikoak eta ekonomikoak kontuan hartuta.
• Zurezko arotzeriako eta altzarigintzako elementuen instalazio-proiektuak egitea, hartutako soluzioa deskribatuz eta baloratuz.
• Lehengaien, produktuen eta osagaien hornikuntza kudeatzea, horien harrera eta izakinen maila kontrolatuta.
• Arotzeriako eta altzarigintzako elementuen fabrikazioa planifikatzea eta kontrolatzea, eta, eginkizun horretan, prozesuak definitzea, baliabideak antolatzea eta produktuak gainbegiratzea.
• Arotzeriako eta altzarigintzako elementuak mekanizatzeko programak lantzea, ordenagailuz lagundutako fabrikazio-teknikak (CAM) aplikatuta.
• Arotzeriako eta altzarigintzako elementuen muntaia koordinatzea eta gainbegiratzea, baliabideak antolatuta eta kalitate-estandarrak egiaztatuta.
• Arotzeriako eta altzarigintzako industrietan hondakinen kudeaketa-planak lantzea, araudia betetzen dela ziurtatuta.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Altzarien marrazkilari proiektugilea.
• Arotzeriako eta altzarigintzako produktuen garapeneko teknikaria.
• Arotzeriako eta altzarigintzako proiektugilea.
• Zurgintzako eta altzarigintzako, eta beste manufaktura batzuetako enpresen gerentea.
• Zurgintzako eta kortxoko industrietako kalitate-kontroleko teknikaria.
• Bulego teknikoaren arduraduna.
• Fabrikazioko burua.
• Produkzio-kontrolatzailea.
• Sekzioburua.
• Taldeburua.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Unibertsitate-ikasketekin, indarrean dagoen araudiaren araberako baliozkotzeak ezarrita.

Zer-nolako lan-irtenbideak izango ditut?

Profesional honek arotzeriako eta altzarigintzako produkzioaren eta instalazioaren sektorean dihardu, enpresa txiki, ertain eta handietan, beraren nahiz besteen kontura, honako eginkizun hauetan: diseinu teknikoa, produkzioaren ikuskapena, fabrikazio automatizatua, eta altzari-hornikuntzako eta instalazioen muntaiako proiektuen gauzatzea.

Zer lanbide araututara sar daiteke titulazio honekin?

Titulu honen bidez ez da zuzenean inolako lanbide araututara sartzen.

Prestakuntza-plana:

Hauek dira heziketa-ziklo honetako lanbide-moduluak:
• Arotzeriako eta altzarigintzako industrien prozesuak. (132 o.)
• Arotzeriako eta altzarigintzako fabrikazioa. (198 o.)
• Arotzeriako eta altzarigintzako irudikapena. (165 o.)
• Arotzeriako eta altzarigintzako prototipoak. (198 o.)
• Arotzeriako eta altzarigintzako produktuen garapena. (198 o.)
• Arotzeriako eta altzarigintzako automatizazioa. (160 o.)
• Arotzeriako eta altzarigintzako instalazioak. (120 o.)
• Arotzeriako eta altzarigintzako diseinua. (120 o.)
• Arotzeriako eta altzarigintzako produkzioaren kudeaketa. (100 o.)
• Diseinuko eta altzari-hornikuntzako proiektua. (50 o.)
• Ingeles teknikoa. (40 o.)
• Laneko prestakuntza eta orientabidea. (99 o.)
• Enpresa eta ekimen sortzailea. (60 o.)
• Lantokiko prestakuntza. (360 o.)

IVAC-EEI-ko Komunikazioak
© IVAC/EEI 2013. Eskubide guztiak erreserbatuta / Web diseinua Labrys Igo ↑ RSS RSS feed Protección de datos y Política de Cookies