ONTZIOLAKO ZURGINTZA ESPEZIALIZATZEKO PROGRAMA

Programarekin lotutako tituluak:

• Arotzeriako eta altzarigintzako teknikaria.
• Instalazioko eta altzari-hornikuntzako teknikaria.
• Zura prozesatzeko eta eraldatzeko teknikaria.
• Diseinuko eta altzari hornikuntzako goi-mailako teknikaria.
• Aisiako ontziak mantentzeko teknikaria.
• Aisiako ontzietako zur egiturak eta altzariak mantentzeko teknikaria.

Ikasketaren iraupena:

580 ordu

Zer ikasiko dut? Zer egingo dut?

Zurezko ontzi tradizionalak eraikitzeko lanak zuzendu eta egikaritzea eta, oro har, zurezko ontziak zaharberritu, mantendu eta konpontzea, ontziolako zurgintzako teknika tradizionalak erabiliz. Hori guztia finkatutako zehaztapen teknikoekin bat, kalitate-prozedurak aplikatuz eta laneko arriskuen prebentzioa eta ingurumen-babesa bermatuz.

Profesional hau gai izango da:
• Ontziolako zurgintzaren tradizioa suspertzea, lanbidearen berezko jarduerak eginez.
• Ontzigintzako piezak grafikoki irudikatzea, bista eta perspektibak marraztuz esku hutsez, taula gainean eta lagunduriko diseinu-programen bidez.
• Ontzigintzako plano eta dokumentu grafikoak interpretatzea, elementuak, atalak, xehetasunak eta ontzi baten zatiak identifikatuz.
• Ontzietarako zura mekanizatzeko prozesuak zehaztea, plano, arau eta katalogotan jasotako informazio teknikoa interpretatuz.
• Ontziak eta zurezko ontzien elementuak muntatzea, multzoak egiaztatuz neurtzeko tresnen bidez, zehaztutako prozeduren arabera.
• Zurezko ontzietarako pieza eta elementuak lortu eta muntatzea, mekanizatu eta muntatzeko dokumentazio teknikoa erabiliz.
• Zurezko ontzietan iragazgaizte- eta akabera-lanak egikaritzea, eta estankotasuna eta zigilatzea bermatzea.
• Zurezko ontzien prebentziozko mantentzea eta mantentze zuzentzailea egitea, programatutako lan-plana betez.
• Ontziolako zurgintzako proiektuetarako aurrekontuak egitea eta bezeroaren adostasuna lortzea.
• Lehengaiak hornitu eta biltegiratzea, baldintza egokietan, eta kalitatea eta lotutako dokumentazioa kontrolatzea.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Ontziolako arotza.
• Zurezko ontzien zaharberritzailea.
• Zurezko ontzien altzari-instalatzailea.
• Zurezko ontzien mantentze-teknikaria.

Zer-nolako lan-irtenbideak izango ditut?

Profesional honek zurezko ontziak eraiki, zaharberritu, mantendu eta konpontzen dituzten enpresetan lan egiten du.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• Ontzigintzako zirriborro eta planoak diseinatu, grafikoki irudikatu eta interpretatzea. (90 o.)
• Ontziolako zurgintzako materialak. (30 o.)
• Zurezko elementuak mekanizatzea eta muntatzea. (240 o.)
• Zurezko ontzi tradizionalen akabera eta mantentzea. (150 o.)
• Ontziolako zurgintzako lana antolatzea. (70 o.)