Lanbide-arloak

Osasungintza - SAN

Heziketa-zikloak > Goi-maila

PROTESI-AUDIOLOGIAKO GOI-MAILAKO TEKNIKARIA

Sartzeko baldintzak:

Goi-mailako ziklo edo moduluetara sartzeko, honako baldintza hauetako bat bete behar da:
• Batxiler-titulua edo batxilergoko ikasgai guztiak gainditu izanaren ziurtagiria izatea.

• BBBeko 3. maila gaindituta izatea (Batxilergo Bateratu Balioaniztuna): Ziurtagiri akademiko baten bidez egiaztatzea gainditu direla batxiler-titulua lortzeko irakasgai guztiak, irakaskuntzen hirugarren ikasturtea amaitu ondoren, Hezkuntzari eta Hezkuntzaren Erreforma Finantzatzeari buruzko abuztuaren 4ko 14/1970 Lege Orokorrak araututakoaren arabera. EFP/1210/2021 Agindua, azaroaren 2koa, aurreko hezkuntza-sistemako ikasketa eta titulu jakin batzuen baliokidetasuna ezartzen duena, lanbide-heziketako irakaskuntzetan sartzeko.
• Batxilergo esperimentaleko edozein modalitatetako bigarren maila gainditu izana.
• Teknikari-titulua izatea (erdi-mailako lanbide-heziketa).
• Goi-mailako teknikariaren edo teknikari espezialistaren titulua edo baliokidea izatea ondorio akademikoetarako.
• Unibertsitatera Bideratzeko Ikasturtea gainditu izana.
• Unibertsitate-titulua edo baliokidea izatea.
• Goi-mailako heziketa-zikloetara sartzeko proba gainditu izana (gutxienez 19 urte izan behar dira proba egiten den urtean, edo 18 teknikari-titulua dutenen kasuan).
• 25 urtetik gorakoentzako unibertsitatera sartzeko proba gainditu izana.

 

Ikasketaren iraupena:

2.000 ordu

Zer ikasiko dut? Zer egingo dut?

Entzumen-protesiak hautatzea eta egokitzea, eta, horretarako, audiologia-ebaluazioa egitea, erabiltzaileen jarraipena egitea, protesia mantentzea eta babes akustikoko neurriak finkatzea, soinu-mailaren ebaluazioa abiapuntu izanik.

Profesional hau gai izango da:
• Belarriaren funtzionalitatea aztertuko duten miaketa audiologikoak egiteko.
• Egokigailu anatomikoak eta entzumen-babeskiak egiteko.
• Jarritako entzumen-protesiak erregulatzeko eta jarri gabeak hautatzeko eta egokitzeko.
• Entzumen-laguntza teknikoak hautatzeko eta egokitzeko.
• Gailu elektroakustikoak edo akustikoak muntatzeko, egokigailu anatomikoan eta entzumenerako babeskian.
• Elementu matxuratuak hautemateko eta ordezteko.
• Pazientea eta familiakoak entzumen-protesiak eta entzumen-laguntza teknikoak erabiltzen eta mantentzen trebatzeko.
• Aurrekontua lantzeko.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Lanak:
• Osasunaren sektorean, audioprotesi-kabineteetan eta ingurumen-zaraten eraginen prebentzioan.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Unibertsitate-ikasketekin, indarrean dagoen araudiaren araberako baliozkotzeak ezarrita.

Zer-nolako lan-irtenbideak izango ditut?

• Audioprotesikoa.
• Espezialista audio-protesista.
• Entzumenenerako babeskien eta moldeen egilea.
• Soinu-mailaren neurketako teknikaria.
• Audiometrista.

Zer lanbide araututara sar daiteke titulazio honekin?

• Audio-protesiko goi-mailako teknikaria.

Prestakuntza-plana:

Hauek dira heziketa-ziklo honetako lanbide-moduluak:
• Entzumen-ezaugarri anatomosentsorialak. (330 o.)
• Audioprotesietako teknologia elektronikoa. (231 o.)
• Akustika eta soinu-babeseko elementuak. (160 o.)
• Entzumenenerako babeskiak eta moldeak egitea. (231 o.)
• Entzumen-protesiak aukeratzea eta egokitzea. (260 o.)
• Hipoakusikoen arreta. (99 o.)
• Entzumena eta hitzezko komunikazioa. (80 o.)
• Protesi-audiologiako proiektua. (50 o.)
• Ingeles teknikoa. (40 o.)
• Laneko prestakuntza eta orientabidea. (99 o.)
• Enpresa eta ekimen sortzailea. (60 o.)
• Lantokiko prestakuntza. (360 o.)

IVAC-EEI-ko Komunikazioak

Azken sarrerak

© IVAC/EEI 2013. Eskubide guztiak erreserbatuta Igo ↑ RSS RSS feed Datuen Babesa edo DBLO eta Cookien Politika