Lanbide-arloak

Osasungintza - SAN

Heziketa-zikloak > Goi-maila

HORTZ PROTESIETAKO GOI MAILAKO TEKNIKARIA

Sartzeko baldintzak:

Goi-mailako ziklo edo moduluetara sartzeko, honako baldintza hauetako bat bete behar da:
• Hezkuntzari buruzko maiatzaren 3ko 2/2006 Lege Organikoan ezarritako batxiler-titulua izatea.
• Lanbide Heziketako Teknikari edo Goi Teknikari titulua izatea.
• Batxilergoko irakasgai guztiak gainditu izana egiaztatzen duen ziurtagiria.
• Goi-mailako heziketa-zikloetan sartzeko proba gainditu izana, ziklo horren lanbide-familiari dagokion aukera baten bidez.
• Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoan ezarritako batxiler-titulua izatea.
• Lehengo Batxilergo Bateratu Balioanizduneko (BBB) ikasi eta gero emandako batxiler-titulua izatea. • Teknikari espezialista titulua izatea.
• Unibertsitate-titulua izatea.
• Unibertsitatera Bideratzeko Ikasturtea (UBI) edo unibertsitate-aurrekoa gainditu izana.
• Unibertsitatean sartzeko 25 urtetik gorakoentzako sarrera-proba gainditu izana.
• Batxilergo Esperimentaleko edozein modalitatetan 2. kurtsoa gainditu izana.
• Atzerriko ikasketak lehenago zerrendatutako tituluren batekin homologatzeko egiaztagiria.

 

Ikasketaren iraupena:

2.000 ordu

Zer ikasiko dut? Zer egingo dut?

• Hortz-protesiaren arloko establezimenduak egiten dituen zerbitzuak planifikatzea, eragiketa administratiboen eta kontrol ekonomikoko eragiketen ondoriozko kudeaketa egin eta gainbegiratuta.
• Erabiltzaileen arreta-beharrei erantzuteko establezimenduan sortzen den dokumentazio administratiboa eta sanitarioa kudeatzea.
• Erabiltzaileen eskariei erantzun ahal izateko materialen, tresnen eta lanabesen erosketa biltegiratzea eta birjarpena kudeatzea.
• Aurpegi-hortzetako protesiak, ortodontzia-aparatuak eta ferula oklusalak -ereduaren ezaugarri anatomofuntzionaletara egokituak- diseinatzea, medikuaren aginduetara egokitua.
• Tresneria eta materiala prestatzea, jarraibide teknikoei eta mantentze-planei jarraituta.
• Aurpegi-hortzetako protesiak, ortodontzia-aparatuak eta ferula oklusalak prestatzea eta fabrikatzea, eta, horretarako, lan-prozedura normalizatuak aplikatzea eta tresneria, lanabesak eta erremintak trebetasunez maneiatzea.
• Produktu protesikoen, ortodontzia-aparatuen eta ferula oklusalen elementuak egiaztatzea, eta, hala, akatsak hautematea eta neurri zuzentzaileak identifikatzea.
• Aurpegi-hortzetako protesiak, ortodontzia-aparatuak eta ferula oklusalak konpontzea, produktuaren ezaugarriak eta aurkeztutako asaldurak identifikatuta.
• Aurpegi-hortzetako protesien, ortodontzia-aparatuen eta ferula oklusalen erabilerari eta mantentze-lanei buruz informatzea, horien ezaugarriak eta funtzioak lotuta.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Hortz-protesietako goi-mailako teknikaria.
• Hortz-protesietako teknikari espezialista.
• Hortz-protesien laborategiko arduradun teknikoa.
• Hortz-industriako edo hotz-gordailuetako saltzailea.
• Hortz-industriako produktuen ikerketako eta garapeneko sailetako arduradun teknikoa.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Unibertsitate-ikasketekin, indarrean dagoen araudiaren araberako baliozkotzeak ezarrita.

Zer-nolako lan-irtenbideak izango ditut?

 

Profesional honek osasun-sektorean egingo du lan, enpresa pribatuetan edo laguntza-erakundeetan, neurrira egindako hortzetako osasun-produktuen fabrikatzaile gisa hortz-protesien laborategietan, langile autonomo gisa edo besteren konturako langile gisa, eta hortz-industriako enpresetan, hala nola materialen eta makineriaren hornikuntzako fabriketan, edo hortz-gordailuetan, eta enpresaren prestakuntza-jarduera espezifikoetan parte hartuko dute.
Ikerketa teknologikoaren alorrean ere lan egin dezake, hortz-sektoreko enpresen barruan, eta irakasle gisa hortz-industrian, material eta teknika berriei buruzko ikastaro oinarrizkoak edo aurreratuak emanez.
Estatuko osasun-administrazioak arautzen du haien jarduera.

Zer lanbide araututara sar daiteke titulazio honekin?

• Hortz-protesikoa.

Prestakuntza-plana:

Hauek dira heziketa-ziklo honetako lanbide-moduluak:
• Hortz-protesien laborategia. (132 o.)
• Protesien diseinu funtzionala. (165 o.)
• Protesi osatuak. (198 o.)
• Ortodontzia-aparatuak eta ferula oklusalak. (231 o.)
• Protesi finkoetako berrezarpenak eta metalezko egiturak. (180 o.)
• Protesi erauzgarri partzial metalezkoak, erretxinazkoak eta mistoak. (165 o.)
• Berrezarpen eta estaldura estetikoak. (180 o.)
• Inplanteen gaineko protesiak. (140 o.)
• Hortz-protesien eta -ortesien proiektua. (50 o.)
• Ingeles teknikoa. (40 o.)
• Laneko prestakuntza eta orientabidea. (99 o.)
• Enpresa eta ekimen sortzailea. (60 o.)
• Lantokiko prestakuntza. (360 o.)

IVAC-EEI-ko Komunikazioak
© IVAC/EEI 2013. Eskubide guztiak erreserbatuta / Web diseinua Labrys Igo ↑ RSS RSS feed Protección de datos y Política de Cookies