PERTSONA ARDATZ DUEN ARRETA

Programarekin lotutako tituluak:

• Mendekotasun-Egoeran Dauden Pertsonei Arreta Egiteko Teknikaria.
• Erizaintzako Zaintza Osagarrietako Teknikaria. (LOGSE)
• Gizarteratzeko Goi-mailako Teknikaria.

Ikasketaren iraupena:

800 ordu

Zer ikasiko dut? Zer egingo dut?

Mendekotasun-egoeran dauden pertsonen beharrak identifikatzea, antolatzea eta horiei erantzutea, bizitza-egitamua garatzen laguntzeko, pertsona ardatz hartzen duen arretaren esparruan.

Profesional hau gai izango da:
• Pertsonaren eta/edo bere familiaren beharrak eta nahiak identifikatzea, eta, arreta ematen duten beste profesionalekin batera, proposamenak egitea pertsona horien autonomia eta ongizatea sustatzeko.
• Mendekotasun-egoeran dauden pertsonekin eta arreta emateko taldeko profesionalekin batera arreta emateko planak prestatzea eta proposatzea, plan horietan lehentasuna emanda pertsona horien guneroko autonomiari eta independentziari, eta eraginkortasunez parte hartzen dutela bermatuta.
• Mendekotasun-egoeran dagoen pertsonaren familiaren eta/edo ingurukoen gertutasuna eta parte-hartzea sustatzea.
• Egunerokoan erabakiak har daitezen sustatzea, beren kontura erabakirik hartu ezin duten pertsonen artean ere bai.
• Mendekotasun-egoeran dagoen pertsonari bere bizitza-egitamuan laguntzea, harremanetarako gaitasunen eta gaitasun sozial zein emozionalen bitartez.
• Laguntza pertsonalizatua ematea, kontuan hartuta pertsona bakoitzaren ezaugarriak eta egoera.
• Dementzia edo komunikatzeko zailtasunak dituzten pertsonen espresioak interpretatzea, eta pertsona horien ongizatea sustatzeko estrategiak aplikatzea.
• Eguneroko bizitzan laguntzeko lantaldea definitzen laguntzea, etxean zein egoitzetan mendekotasun-egoeran dagoen pertsonaren beharrei erantzuteko, pertsona ardatz hartzen duen arretaren bidez.
• Diziplina anitzeko lantaldeetan integratzea, eta beste profesional batzuekin batera lan egitea.
• Pertsonen baimenarekin, haien historia idaztea, haien ongizaterako datu biografiko esanguratsuenak dokumentatuta.
• Bere arretapean diren pertsonen tratu egokia bultzatzea eta haien eskubide eta balioak defendatzea.
• Arreta pertsonalizatua emateko planetan parte hartzea, eta jarraipen egokia egitea, kontu berezia jarrita aldaketek edo egoera berriek arretapean dituen pertsonengan eragin dezaketen egonezina eta sufrimendua saihesteko.
• Familiaren, egunero laguntza ematen duten langileen eta boluntarioen jarduketa koordinatzea.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Mendekotasun-egoeran dauden pertsonen zaintzailea instituzioetan eta/edo etxean.
• Arreta psikiatrikoko zentroetako zaintzailea.
• Gerokultorea.
• Mendekotasun-egoeran dauden pertsonei arreta emateko instituzioetako gobernaria eta azpigobernaria.
• Adinekoen eta desgaitasuna duten pertsonen egoitzetako plantako laguntzaile arduraduna.
• Etxez etxeko laguntzailea. Etxez etxeko arretako laguntzailea. Familia-langilea.
• Hezkuntza bereziko laguntzailea.
• Laguntzaile pertsonala.
• Telelaguntzako teleoperadorea.
• Askotariko instituzioetan eta/edo etxean mendekotasun-egoeran dauden pertsonei zuzendutako zerbitzuetan laguntzeko integratzaile soziala.

Zer-nolako lan-irtenbideak izango ditut?

Arlo soziosanitarioko profesionalak, egoitzetan, ospitaleetan eta/edo erabiltzaileren baten etxean lan egiten dutenak. Langileok diziplina anitzeko taldeetan lan egiten dute pertsona ardatz duen arretaren esparruan.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• Pertsona ardatz duen arretaren marko etiko eta kontzeptuala. (60 o.)
• Pertsona ardatz duen arretaren esparruan modu profesionalean esku hartzeko baliabideak eta estrategiak. (110 o.)
• Pertsonalizazioa, eguneroko bizitza eta autonomiaren sustapena. (450 o.)
• Baliabide pertsonalak eta taldearenak. (180 o.)