OSASUNARI APLIKATUTAKO BIOTEKNOLOGIA ETA GAILU MEDIKOAK

Programarekin lotutako tituluak:

• Farmaziako eta parafarmaziako teknikaria.
• Kimikagintzako teknikaria.
• Dietetikako goi-mailako teknikaria.
• Laborategi klinikoko eta biomedikoko goi-mailako teknikaria.
• Anatomia patologikoko eta zitodiagnostikoko goi-mailako teknikaria.
• Produktu farmazeutikoak, bioteknologikoak eta antzekoak fabrikatzeko goi-mailako teknikaria.
• Analisiko eta kalitate kontroleko laborategiko goi-mailako teknikaria.
• Kimikako eta ingurumen-osasuneko goi-mailako teknikaria.
• Zelula-kultiboen espezializazio-ikastaroa.

Ikasketaren iraupena:

Bioteknologiaren ibilbidea: 920 ordu
Gailu medikoen ibilbidea: 900 ordu

Zer ikasiko dut? Zer egingo dut?

Bioteknologia-ibilbideko konpetentzia orokorra:

Osasunari aplikatutako produktu bioteknologikoen ikerketan, garapenean eta berrikuntzan parte hartzea, fabrikaziora eta merkaturatzera bideratutako saiakuntzak eginez eta produktu bakoitzaren printzipio etikoak, kalitate-arauak eta erregulazioak aplikatuz.

Gailu medikoen ibilbidearen konpetentzia orokorra:

Produktu sanitarioak (gailu medikoak eta biosentsoreak) fabrikatzeko, egokitzeko eta biltegiratzeko eragiketak egitea, konfidentzialtasun-printzipioa, indarrean dagoen araudia eta kalitatea kudeatzeko sistemak aplikatuta.

Profesional hau gai izango da:

Bi ibilbideek amankomunean dituztenak:

• Bioteknologian erabiltzen diren sistema biologikoak identifikatzea, eta sektoreko industrietan dituzten erabilerekin eta aplikazioekin lotzea.
• Biologia molekularreko oinarrizko teknikak aplikatzea produktu bioteknologikoak garatzeko eta kontserbatzeko, lan-protokoloak eta indarrean dagoen araudia aplikatuta.
• Proiektu eta produktu berritzaileen diseinuan, kudeaketan eta garapenean parte hartzea, datu esperimental garrantzitsuak lortzea ziurtatzen duten teknikak eta prozedurak aplikatuta.

Bioteknologia-ibilbidekoak bakarrik:

• Lagin biologikoetan biologia molekularreko teknikak aplikatzea produktu bioteknologikoak garatzeko, laneko protokolo normalizatuak beteta eta ezarritako kalitate- eta segurtasun-arauak aplikatuta.
• Zelula-kultiboen morfologia eta konfluentzia kontrolatzeko lan-prozedurak aplikatzea, kutsatzerik ez dagoela ziurtatuta.
• Genea aldatzeko teknikak aplikatzea, zelulen edo ehunen efektu fenotipikoak ebaluatuta.
• Produktu eta substantzia kimikoen eragina eta segurtasuna ebaluatzea, dagozkion erregulazioak eta araudiak aplikatuta.
• Animaliekin egindako esperimentuetan parte hartzea, batzorde etikoek ezarritako oinarriak aplikatuta.
• Lagin biologikoak prozesatzea teknika mikroskopikoen bidez aztertzeko, segurtasuneko eta arriskuen prebentzioko neurriak aplikatuta.

Gailu medikoen ibilbidekoak bakarrik:

• Biosentsore elektrokimikoekin eta alboko fluxu-testekin saiakuntzak egitea, lortutako emaitzak dokumentatuta eta interpretatuta.
• Biosentsoreen eta alboko fluxu-testen diseinuko, fabrikazioko eta kalitate-kontroleko prozesuetan parte hartzea, ezarritako prozedurak beteta.
• Kalitatezko produktu sanitarioak, esterilak eta seguruak fabrikatu, egokitu, biltegiratu, jaso eta bidaltzeko eragiketak egitea, indarrean dagoen araudia eta lan-protokoloak aplikatuta.
• Produktu sanitarioen kalitatea ziurtatzea, prozesuaren fase bakoitzean definitutako analisiak eta saiakuntzak eginda.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Laborategiko teknikaria.
• Kalitatea kontrolatzeko teknikaria.
• Kalitatea bermatzeko teknikaria.
• Animaliategiko teknikaria.
• Biltegiko teknikari espezializatua.
• Fabrikazio-teknikaria.
• Ekipamendu-teknikaria.
• Erosketa-teknikari espezializatua.
• Produkzio-prozesuen ikuskatzailea.
• Kalitatea kontrolatzeko gainbegiralea.
• I+G+Bko teknikaria.

Zer-nolako lan-irtenbideak izango ditut?

Lanbide-eremu honetako langileak produkzio-fabriketan, I+G+B laborategietan, osasunari aplikatutako produktu bioteknologikoetarako, produktu sanitarioetarako eta antzekoetarako ekoizpenean, fabrikazioan edo kalitate-kontrolean lan egiten du.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-programa honetako ikaskuntza-eremuak honako hauek dira:
• Bioteknologiaren oinarriak. (85 o.)
• Produktu bioteknologikoen garapena. (210 o.)
• Ikerketa-proiektuen kudeaketa. (45 o.)

Bioteknologiaren ibilbidea:
• Biologia molekularra. (165 o.)
• Zelula-kultiboak. (165 o)
• Osasunari aplikatutako produktu bioteknologikoen garapena. (110 o.)
• Teknika mikroskopikoak. (140 o.)

Gailu medikoen ibilbidea:
• Produktu sanitarioen araudia. (40 o.)
• Biosentsoreak. (210 o.)
• Produktu sanitarioen fabrikazioa, egokitzapena eta biltegiratzea. (210 o.)
• Produktu sanitarioen kalitatea. (100 o.)