OSASUN MENTALEKO ERIZAINTZAKO ZAINTZA OSAGARRIAK

Programarekin lotutako tituluak:

• Erizaintzako zaintza osagarrietako teknikaria (LOGSE).

Ikasketaren iraupena:

600 ordu

Zer ikasiko dut? Zer egingo dut?

Erizaintza-arloko zaintza osagarriak garatzea osasun mentalaren esparruan, ezarritako protokoloak erabilita, diziplinarteko taldeetan sartuta eta elkarlanean arituta laguntza psikologikoan eta bizitza-ohitura osasungarrien sustapenean.

Profesional hau gai izango da:
• Osasun mentalean zerbitzua emateko materialak eta guneak prestatzea, kontuan hartuta laguntza-prestazio mota eta bitartekoen optimizazioa.
• Elkarlanean aritzen da osasun mentaleko diziplinarteko lantaldearekin, bere gain hartzen ditu dagozkion erantzukizunak eta informazio-jario egokia izaten du.
• Erizaintzako zaintza osagarriak aplikatzea osasun-mentaleko pazienteari, lantaldeak ezarritako zaintza-planak kontuan hartuta, eta hautemandako gorabeherak jakinaraztea, protokolo egokiak erabiliz eta prebentzio- eta segurtasun-neurriak hartuz.
• Erabiltzaileari (pazientea, familia, komunitatea) babes psikologikoa ematen laguntzea, dauzkan ezaugarri psikosozialetara egokitutako komunikazio- eta laguntza-teknikak erabiliz.
• Osasun mentaleko erabiltzaileen artean (pazientea, familia, komunitatea) bizitza-ohitura osasungarriak sustatzea, osasuna mantentzeko edo hobetzeko eta gaixotasuna prebenitzeko, jarraibideak emanda eta informazioa eta komunikazioa mintzaidearen ezaugarrietara egokituta.
• Erizaintzako oinarrizko zaintza osagarri pertsonalizatuak eskaintzea, osasun mentaleko arazoak dituzten pertsonentzako sustapen- eta prebentzio-jarduerak eginez eta nork bere burua egokiro zaintzeko ozedurak sustatuz ere, pertsona horien bizi-kalitatea hobetzeko, eta haiekin elkarlanean gaixotasunari aurre eginez eta prozesuan osoan laguntza ziurtatuz.
• Elkarlanean aritzea dagokion osasun mentaleko lanbide anitzeko taldean, botikak eta veste produktu sanitario batzuk ematearekin zerikusia duten jarduerak gainbegiratuta egitean ezarritako protokoloei jarraituta.
• Osasun mentalaren arloko arretan aplikatzekoak diren printzipio etikoak eta legalak ulertzea eta lanbide-jardunean erabiltzea.
• Harreman terapeutikoa erabiltzea komunikatzeko eta harremana izateko oinarrizko tresna moduan, erizaintzako zaintza osagarrien barruan.
• Pazientearekiko harreman terapeutikoa tratamenduaren barruan dagoela eta patologia bakoitzera egokitzen dela ulertzea.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Osasun mentalaren arloko erizaintzako laguntzailea.
• Osasun mentalaren arloko begiralea

Zer-nolako lan-irtenbideak izango ditut?

Profesional honek osasun mentalaren arloko erakundeen, zerbitzuen eta programen sarean lan egiten du.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• Osasun mentalaren EAEko sistema. (60 o.)
• Osasun mentalaren arloko arazo nagusiak, tratamenduak eta erizaintzako zaintzak. (280 o.)
• Larrialdi psikiatrikoak. (140 o.)
• Taldeekiko esku-hartzea eta dinamika. (120 o.)