NATURA-INGURUNEA USTIATZEKO ETA KONTSERBATZEKO TEKNIKARIA

Sartzeko baldintzak:

Erdi-mailako heziketa-zikloetara sartzeko, gutxienez honako baldintza hauetako bat bete behar da:

     • Derrigorrezko Bigarren Hezkuntzako graduatuaren titulua edukitzea
     • Oinarrizko Lanbide Heziketaren titulua edukitzea.
     • Lanbide Heziketako Teknikari titulua edukitzea.
     • Erdi-mailako heziketa-zikloetara sartzeko prestakuntza espezifikoko ikastaroa gainditu izana Hezkuntza Administrazioak baimendutako ikastetxe publikoetan edo pribatuetan.
     • Erdi-mailako edo goi-mailako heziketa-zikloetara sartzeko proba gainditu izana, edo 25 urtetik gorakoak edo 45 urteko unibertsitatean sartzeko proba gainditu izana.
     • mailako C mailako prestakuntza-eskaintza gainditu izana, heziketa-zikloaren barruan.
     • Uztailaren 18ko 659/2023 Errege Dekretuaren seigarren xedapen gehigarriaren 1. paragrafoan ezarritako erdi-mailako heziketa-zikloetan sartzeko titulazio baliokideren bat izatea egiaztatzea:
          o Teknikari laguntzailearen titulua
          o Teknikari-titulua
          o Goi-mailako batxiler-titulua, maiatzaren 3ko 2/2006 Lege Organikoaren aurreko planen arabera emana.
          o Irakaskuntza ertainak erreformatzeko lehen ziklo esperimentaleko bigarren maila gainditu izana.
          o Arte Aplikatuen eta Lanbide Artistikoen ikasketetako 1963ko planaren hirugarren maila edo komuneko bigarren maila esperimentala gainditu izana.
          o Batxilergo Bateratu eta Balioaniztuneko (BBB) lehen bi mailetan gehienez bi ikasgai gainditu gabe dituela egiaztatzea.
          o Hurrengo atalean ezarritako goi-mailako heziketa-zikloetan sartzeko titulazio baliokideren bat egiaztatuta izatea.
          o Aipatutako ikasketen baliokideak diren beste ikasketa edo prestakuntza-ikastaro batzuk gainditu izana.
     • Atzerriko ikasketak lehenago zerrendatutako tituluren batekin homologatzeko egiaztagiria. Homologatze-prozedura ebatzi gabe baldin badago, Baldintzapean Izena emateko Txartela onartuko da.

Gainera, Erdi-Mailako Heziketa-Zikloetarako plaza-eskaera eskaintza baino handiagoa bada, Hezkuntza-Administrazioek ikastetxean Onarpeneko Kupo eta Lehentasunak ezarri ahalko dituzte.

Ikasketaren iraupena:

2.000 ordu

Zer ikasiko dut? Zer egingo dut?

• Lurra hautatutako makineriarekin prestatzea, tresneria erregulatuta eta lanak jardunbide onen arabera egiten direla bermatuta.
• Beharrezkoa den tratamendu fitosanitarioa dokumentazio teknikoa interpretatuta prestatzea eta aplikatzea.
• Fruituak eta haziak biltzea eta landareak hedatzea eta landatzea, segurtasun-baldintzak mantenduta eta lan-programazioari jarraituta.
• Baso-lanak egitea, makineria erabilita eta natura-ingurunea mantenduta.
• Natura-ingurunea zaintzea, baso-suteak edo bestelako gertakariak hautemateko, betiere ezarritako jardun-protokoloei jarraituta.
• Baso-suteak itzaltzeko lanak egitea, beste kidego batzuekin elkarlanean, eta eskura dauden baliabideak erabilita.
• Natura-ingurunean gidaritza-lanak egitea, ibilbideak landuta.
• Ehizako eta arrantzako habitata kontserbatzea edo hobetzea, plan teknikoei jarraituta.
• Ehiza- eta arrantza-aprobetxamenduak kontrolatzea, ehizari eta arrantzari buruzko legeriari jarraituta.
• Traktoreak, tresnak eta, oro har, baso-makineria maneiatzea eta mantentzea, zehaztapen teknikoei jarraituta.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Baso-prozesagailuko makinista.
• Traktore-gidaria.
• Motozerraria, arbola-botatzailea, arbola-moztailea.
• Kortxo-biltzailea.
• Zuhaitzetako altuera-lanetako langile espezialista.
• Baso-berritzeetako eta baso-tratamenduetako lanetan bere konturako langile espezialista.
• Mintegizaina.
• Produktu fitosanitarioen aplikatzailea.
• Txertatzailea.
• Baso-lanetako langile kualifikatua.
• Zuraren, kortxoaren eta egurraren aprobetxamenduko langile espezialista.
• Zuzenketa hidrologikoko eta baso-zuzenketako lanak egiten dituzten enpresetako langile espezialista.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako ziklo batekin.
• Erdi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Batxilergoarekin, haren edozein modalitatetan.

Zer-nolako lan-irtenbideak izango ditut?

Baso-berritzeko lanak, basoaren eta uraren arloan leheneratzeko eta antolatzeko lanak, baso-aprobetxamenduko lanak eta natura-ingurunea kontrolatzeko eta zaintzeko lanak egiten dituzten enpresa handietan, ertainetan eta txikietan, publikoetan zein pribatuetan, egiten du lan profesional honek.

Zer lanbide araututara sar daiteke titulazio honekin?

• Produktu fitosanitarioen manipulatzaile-txartela. Maila: oinarrizkoa.

Prestakuntza-plana:

Hauek dira heziketa-ziklo honetako lanbide-moduluak:
• Agronomiaren oinarriak. (198 o.)
• Landare-osasunaren printzipioak. (99 o.)
• Kontrol fitosanitarioa. (147 o.)
• Basoak berritzea eta baso-tratamenduak. (147 o.)
• Natura-ingurunea ustiatzea. (168 o.)
• Ehiza- eta arrain-espezieak babestea. (132 o.)
• Baso-landarea mintegian ekoiztea. (165 o.)
• Baso-suteei aurrea hartzea. (66 o.)
• Basogintzako makineria eta instalazioak. (198 o.)
• Erabilera publikoa natura-inguruneetan. (99 o.)
• Ingeles teknikoa. (33 o.)
• Laneko prestakuntza eta orientabidea. (105 o.)
• Enpresa eta ekimen sortzailea. (63 o.)
• Lantokiko prestakuntza. (380 o.)