ZUR-BALIABIDEAK MAKINERIA AURRERATUAREKIN APROBETXATZEA

Programarekin lotutako tituluak:

• Natura-ingurunea ustiatzeko eta kontserbatzeko teknikaria.
• Lorezaintza eta loradendako teknikaria.
• Nekazaritza ekologikoko produkzioko teknikaria.
• Nekazaritzako eta abeltzaintzako produkzioko teknikaria.
• Zura prozesatu eta eraldatzeko teknikaria.
• Hondeaketetako eta zundaketetako teknikaria.
• Errepideko garraiorako ibilgailuak gidatzeko teknikaria.
• Makineriaren elektromekanikako teknikaria.
• Ibilgailu automobilen elektromekanikako teknikaria.
• Automobilgintzako goi-mailako teknikaria.
• Mugikortasun seguru eta jasangarrirako prestakuntzako goi-mailako teknikaria.
• Paisajismoko eta landa-inguruko goi-mailako teknikaria.
• Landa-ingurunearen eta basoaren kudeaketako goi-mailako teknikaria.

Ikasketaren iraupena:

900 ordu

Zer ikasiko dut? Zer egingo dut?

Baso-baliabideak prozesatzea, kargatzea eta arrastatzea. Horretarako, basogintzako makineria eta basogintzako makineria aurreratua gidatu eta erabiliko da (baso-prozesatzaileak, autokargatzaileak eta arrastatzaileak), eta horien mantentze-lanak egingo dira, lan-protokoloak eta jardunbide egokiak, baso-araudia, laneko arriskuen prebentzioari buruzko araudia eta ingurumena babesteari buruzko araudia aplikatuta.

Profesional hau gai izango da:
• Baso-aprobetxamenduko teknikak eta sistemak inplementatzea, ustiapen-baldintzetara egokituta, eraginkortasun-printzipioak aplikatuta, indarrean dagoen araudia beteta eta ingurumenarekiko jokabide etiko eta arduratsuak ziurtatuta.
• Prozesatzaileak, autokargatzaileak eta arrastatzaileak eta basoko beste makina batzuk maneiatzea, baliabideak optimizatzeko eta arriskuak eta inpaktuak minimizatzeko.
• Prozesatzaileen, autokargatzaileen, arrastatzaileen eta basoko beste makina batzuen errendimendu optimoa ziurtatzea, ezarritako lan-protokoloak eta mantentze-planak beteta.
• Basogintzako makinak behar bezala dabiltzala ziurtatzea, motorren, pneumatikaren, hidraulikaren, transmisioaren, balazten, gidaketaren eta elektrizitatearen lehen mailako mantentze-lanak eginez basogintzako makinerian eta basogintzako makineria aurreratuan, ezarritako lan-protokoloak beteta eta lan- eta ingurumen-arriskuen prebentziorako araudia aplikatuta.
• Baso-aprobetxamenduarekin lotutako jarduera guztietan zintzotasunez, etikaz eta profesionaltasunez jardutea, baso-kudeaketa jasangarriko jardunbideak sustatuz.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Prozesatzaileen operadorea.
• Autokargatzaileen operadorea.
• Arrastatzaileen operadorea.

Zer-nolako lan-irtenbideak izango ditut?

Lanbide-eremu honetako langileak basogintzaren eta zuraren sektoreko enpresetan egiten du lan, zehazki baso-aprobetxamenduaren eremuan. Baso-kudeaketarekin lortutako produktuak balioztatzeko, zuhaitzak moztu, prozesatu eta dagozkien industrietara eraman behar dira.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-programa honetako ikaskuntza-eremuak honako hauek dira:
• Baso-aprobetxamenduak. (200 o.)
• Basogintzako prozesatzaileak, autokargatzaileak eta arrastatzaileak maneiatzea. (350 o.)
• Basogintzako prozesatzaileen, autokargatzaileen eta arrastatzaileen mantentze-lanak. (80 o.)
• Basogintzako makineria: motorrak. (80 o.)
• Basogintzako makineria: pneumatika eta hidraulika. (70 o.)
• Basogintzako makineria: transmisioa, balaztak eta gidaketa. (70 o.)
• Basogintzako makineria: elektrizitatea. (50 o.)