MARKETIN ETA PUBLIZITATEKO GOI-MAILAKO TEKNIKARIA

Sartzeko baldintzak:

Goi-mailako ziklo edo moduluetara sartzeko, honako baldintza hauetako bat bete behar da:
• Batxiler-titulua edo batxilergoko ikasgai guztiak gainditu izanaren ziurtagiria izatea.

• BBBeko 3. maila gaindituta izatea (Batxilergo Bateratu Balioaniztuna): Ziurtagiri akademiko baten bidez egiaztatzea gainditu direla batxiler-titulua lortzeko irakasgai guztiak, irakaskuntzen hirugarren ikasturtea amaitu ondoren, Hezkuntzari eta Hezkuntzaren Erreforma Finantzatzeari buruzko abuztuaren 4ko 14/1970 Lege Orokorrak araututakoaren arabera. EFP/1210/2021 Agindua, azaroaren 2koa, aurreko hezkuntza-sistemako ikasketa eta titulu jakin batzuen baliokidetasuna ezartzen duena, lanbide-heziketako irakaskuntzetan sartzeko.
• Batxilergo esperimentaleko edozein modalitatetako bigarren maila gainditu izana.
• Teknikari-titulua izatea (erdi-mailako lanbide-heziketa).
• Goi-mailako teknikariaren edo teknikari espezialistaren titulua edo baliokidea izatea ondorio akademikoetarako.
• Unibertsitatera Bideratzeko Ikasturtea gainditu izana.
• Unibertsitate-titulua edo baliokidea izatea.
• Goi-mailako heziketa-zikloetara sartzeko proba gainditu izana (gutxienez 19 urte izan behar dira proba egiten den urtean, edo 18 teknikari-titulua dutenen kasuan).
• 25 urtetik gorakoentzako unibertsitatera sartzeko proba gainditu izana.

Ikasketaren iraupena:

2.000 ordu

Zer ikasiko dut? Zer egingo dut?

• Merkataritza-enpresa bat eratzeko eta martxan jartzeko beharrezko kudeaketak egitea, eta, horretarako, enpresaren errentagarritasun ekonomikoa eta finantzarioa lortzeko beharrezko finantza-baliabideen lorpena planifikatzea eta kudeatzea.
• Merkatuei buruzko informazio fidagarria lortzea, aztertzea eta antolatzea, estatistikako teknikak aplikatuta, eta informazio-sistema eraginkorra (MIS) ezartzea, marketin-ekintzak egiteko lagungarria izango dena.
• Inkestatzaileen eta/edo elkarrizketatzaileen taldeak antolatzea eta inkestak eta/edo elkarrizketak egitea, eta, eginkizun horretan, landa-lana planifikatzea eta merkataritza-ikerketako planean finkatutako helburuak betetzeko ezarritako teknikak eta prozedurak erabiltzea.
• Marketin-politikak eta -planak lantzeko eta horien jarraipena egiteko zereginean laguntzea, marketing mixeko aldagaiak aztertuta, enpresak finkatutako merkataritza-helburuak lortzeko.
• Enpresako publizitate-baliabideen plana egitea, horiek behar bezala konbinatuz, eta plan horren jarraipena eta kontrola egitea, osotasunean gauzatzeko.
• Produktuak eta zerbitzuak merkaturatzeko eta merkatuan finkatzeko zereginak kudeatzea eta marketin-estrategia eta sustapen-ekintza egokiak aplikatzea, erakundearen marketin-planean ezarritakoaren arabera.
• Marketin digitaleko ekintzak planifikatzea eta egitea, eta, horretarako, web-orriak eta Internet bidezko gizarte-komunikazioko sistemak kudeatzea, enpresaren merkataritza elektronikoko politikaren helburuak betetzeko.
• Publizitateko, sustapeneko eta informazioko materialak lantzea, publizitatearen alorrean indarrean dagoen araudia errespetatuta, eta edizioko eta diseinuko teknikak eta informatika-aplikazioak hainbat euskarritan erabilita, programatutako planen arabera zabaltzeko.
• Marketin eta komunikazioko gertakariak antolatzea eta kudeatzea, eta, eginkizun horretan, briefing interpretatzea, hornitzaileak, eragileak eta agenteak kontratatzea eta ekitaldiak lagundu eta zuzentzea, enpresa-komunikazioko planean ezarritakoa betetzeko.
• Ahoz zein idatziz arin komunikatzea ingelesez merkataritza-eragiketetan esku hartzen duten eragile eta organismo guztiekin.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Produktu-buruaren laguntzailea.
• Marketineko teknikaria.
• Publizitateko teknikaria.
• Harreman publikoetako teknikaria.
• Marketineko eta komunikazioko ekitaldien antolatzailea.
• Publizitate-enpresetako bitartekoen laguntzailea.
• Komunikabideetako igorpenaren edo emanaldiaren kontrolatzailea.
• Merkatu-azterketetako eta iritzi publikoko teknikaria.
• Landa-lanetako teknikaria.
• Inkestatzaileen ikuskatzailea.
• Inkesta eta zentsuetako agentea.
• Merkatu-ikerketarako datu-kodetzailea.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Unibertsitate-ikasketekin, indarrean dagoen araudiaren araberako baliozkotzeak ezarrita.

Zer-nolako lan-irtenbideak izango ditut?

Profesional honek edozein produkzio-sektoretako enpresetan egingo du lan, batez ere merkataritza eta marketin publikoaren eta pribatuaren sektoreko enpresetan, marketineko, merkataritza-ikerketako, publizitateko eta harreman publikoetako jarduerak planifikatzeko, antolatzeko eta kudeatzeko funtzioak betez.

Zer lanbide araututara sar daiteke titulazio honekin?

Titulu honen bidez ez da zuzenean inolako lanbide araututara sartzen.

Prestakuntza-plana:

Hauek dira heziketa-ziklo honetako lanbide-moduluak:
• Enpresaren kudeaketa ekonomikoa eta finantzarioa. (198 o.)
• Merkataritza-ikerketa. (132 o.)
• Merkataritza-ikerketako landa-lana. (80 o.)
• Produktuak eta zerbitzuak merkaturatzea. (100 o.)
• Marketin-politikak. (198 o.)
• Komunikabideak eta komunikazio-euskarriak. (80 o.)
• Bezeroarentzako, kontsumitzailearentzako eta erabiltzailearentzako arreta. (100 o.)
• Marketin digitala. (198 o.)
• Komunikazio-materiala diseinatzea eta lantzea. (140 o.)
• Harreman publikoak eta marketin-ekitaldien antolamendua. (100 o.)
• Ingelesa. (165 o.)
• Laneko prestakuntza eta orientabidea. (99 o.)
• Marketineko eta publizitateko proiektua. (50 o.)
• Lantokiko prestakuntza. (360 o.)