Lanbide-arloak

Merkataritza eta marketina - COM

Heziketa-zikloak > Goi-maila

GARRAIOKO ETA LOGISTIKAKO GOI-MAILAKO TEKNIKARIA

Sartzeko baldintzak:

Goi-mailako ziklo edo moduluetara sartzeko, honako baldintza hauetako bat bete behar da:
• Batxiler-titulua edo batxilergoko ikasgai guztiak gainditu izanaren ziurtagiria izatea.

• BBBeko 3. maila gaindituta izatea (Batxilergo Bateratu Balioaniztuna): Ziurtagiri akademiko baten bidez egiaztatzea gainditu direla batxiler-titulua lortzeko irakasgai guztiak, irakaskuntzen hirugarren ikasturtea amaitu ondoren, Hezkuntzari eta Hezkuntzaren Erreforma Finantzatzeari buruzko abuztuaren 4ko 14/1970 Lege Orokorrak araututakoaren arabera. EFP/1210/2021 Agindua, azaroaren 2koa, aurreko hezkuntza-sistemako ikasketa eta titulu jakin batzuen baliokidetasuna ezartzen duena, lanbide-heziketako irakaskuntzetan sartzeko.
• Batxilergo esperimentaleko edozein modalitatetako bigarren maila gainditu izana.
• Teknikari-titulua izatea (erdi-mailako lanbide-heziketa).
• Goi-mailako teknikariaren edo teknikari espezialistaren titulua edo baliokidea izatea ondorio akademikoetarako.
• Unibertsitatera Bideratzeko Ikasturtea gainditu izana.
• Unibertsitate-titulua edo baliokidea izatea.
• Goi-mailako heziketa-zikloetara sartzeko proba gainditu izana (gutxienez 19 urte izan behar dira proba egiten den urtean, edo 18 teknikari-titulua dutenen kasuan).
• 25 urtetik gorakoentzako unibertsitatera sartzeko proba gainditu izana.

 

Ikasketaren iraupena:

2.000 ordu

Zer ikasiko dut? Zer egingo dut?

• Salgaien eta/edo bidaiarien garraioko eta logistikako enpresa bateko sailak antolatzea, enpresaren zuzendaritzak ezarritako helburuak betetzeko beharrezko giza baliabideak eta baliabide materialak zehaztuta.
• Garraio-planak, produkzio-planak, biltegiko eragiketa- eta fluxu-planak eta eguneko trafikoak prestatzea eta kudeatzea.
• Distantzia luzeko ibilbideak planifikatzea eta banaketa-ibilbideak finkatzea, garraio-moduen konfiguraziorik onena hautatuta.
• Hainbat herrialderen eta garraio-moduren arteko salgaien eta/edo bidaiarien nazioarteko iragaitza eta garraioa bermatuko duten administrazio-kudeaketak egitea.
• Garraio-zerbitzuak eta zerbitzu logistikoak sustatzea eta hedatzea, marketin-teknikak eta -estrategiak aplikatuta.
• Garraio eta logistikako zerbitzuen salmenta-prozesua egitea eta salmentaren ondoriozko dokumentazioa lantzea.
• Bezeroekiko harremanak kudeatzea -hala badagokio inglesez- eta eragiketen jarraipena egitea, haien eskariak, gertakariak eta erreklamazioak behar bezala eta egindako zerbitzuaren maila ziurtatuta betetzeko.
• Eskura dauden baliabideen eta espazioen aprobetxamendu egokia eta salgaien integritatea bermatuko duten baldintzetan antolatzea salgaiak biltegian.
• Produkzio- eta banaketa-planetan materialen eta salgaien hornikuntza egitea eta kontrolatzea, kantitatea, kalitatea, lekua eta epeak ziurtatuta.
• Salgaien inportazio- eta esportazio-eragiketen eta sarreren eta bidalketen administrazio-kudeaketa egitea.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Bidaiariak errepidez garraiatzeko enpresetako trafikoburua.
• Garraio-enpresaren kudeatzailea.
• Bidaiarien errepideko garraioko ikuskatzailea.
• Autobus-geltokiko burua.
• Errepideko garraioaren kudeatzailea.
• Errepideko garraioko zerbitzuen saltzailea.
• Errepideko garraioko enpresen kudeatzailea.
• Zirkulazioburua.
• Garraioetako agentea.
• Karga-agentea.
• Garraio-zerbitzuetako saltzailea.
• Atez ateko garraioko operadorea.
• Garraio-kudeatzailea.
• Ontzi-kontsignatarioa.
• Logistikako operadorea.
• Biltegiburua.
• Garraioaren logistikako teknikaria.
• Alderantzizko logistikako teknikaria.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Unibertsitate-ikasketekin, indarrean dagoen araudiaren araberako baliozkotzeak ezarrita.

Zer-nolako lan-irtenbideak izango ditut?

Profesional honek garraioaren eta logistikaren sektoreko enpresetan egingo du lan, bai bere kontura bai besteren kontura, garraioko eta/edo logistikako zerbitzua planifikatzeko, antolatzeko, kudeatzeko eta merkaturatzeko funtzioak betez.

Zer lanbide araututara sar daiteke titulazio honekin?

• Errepidean zeharreko garraiolaria.

Prestakuntza-plana:

Hauek dira heziketa-ziklo honetako lanbide-moduluak:
• Garraioaren eta logistikaren administrazio-kudeaketa. (160 o.)
• Salgaien nazioarteko garraioa. (198 o.)
• Enpresaren kudeaketa ekonomikoa eta finantzarioa. (198 o.)
• Garraioaren eta logistikaren merkaturatzea. (140 o.)
• Biltegiratzeko logistika. (132 o.)
• Hornitzeko logistika. (80 o.)
• Nazioarteko merkataritzaren administrazio-kudeaketa. (198 o.)
• Bidaiariaren garraioaren antolamendua. (80 o.)
• Salgaien garraioaren antolamendua. (140 o.)
• Ingelesa. (165 o.)
• Garraioko eta logistikako proiektua. (50 o.)
• Laneko prestakuntza eta orientabidea. (99 o.)
• Lantokiko prestakuntza. (360 o.)

IVAC-EEI-ko Komunikazioak
© IVAC/EEI 2013. Eskubide guztiak erreserbatuta Igo ↑ RSS RSS feed Protección de datos y Política de Cookies