MATERIAL METALIKOEN ETA SAIAKUNTZA EZ-SUNTSITZAILEEN BIDEZ SOLDATUTAKO JUNTUREN IKUSKAPENA

Programarekin lotutako tituluak:

• Metal-eraikuntzetako goi-mailako teknikaria.
• Fabrikazio mekanikoko produkzioa programatzeko goi-mailako teknikaria.
• Analisiko eta kalitate-kontroleko laborategiko goi-mailako teknikaria.

Ikasketaren iraupena:

894 ordu

Zer ikasiko dut? Zer egingo dut?

Material metalikoen eta kasuan kasuko saiakuntza ez-suntsitzaileen bidez soldatutako junturen ikuskapena planifikatzea, gauzatzea eta gainbegiratzea, kalitateari, laneko arriskuen prebentzioari eta ingurumen-babesari buruzko espezifikazioak betez.

Profesional hau gai izango da:
• Ekipoak puntuan jartzea, baita saiakuntzak eraginkortasunez eta espero den epean egiteko behar diren gailuak eta materialak aukeratzea ere.
• Saiakuntza ez-suntsitzaileak egitea eta gainbegiratzea segurtasun-neurriak hartuta eta kalitate- espezifikazioei jarraituta.
• Saiakuntzak egitean erabili beharreko ekipoak egoera onean daudela egiaztatzea, eta behar diren egiaztapen guztiak egitea lortutako emaitzek jardueran eskatzen diren kalitate-mailak betetzen dituztela ziurtatzeko.
• Zehaztasunez jakinaraztea saiakuntzen emaitzetatik abiatuta lortutako ondorioak, ahozko edo idatzizko txosten baten bidez, eta beharrezkoak diren dokumentu teknikoak eginez.
• Egindako lanen kalitatea eta doitasuna bermatzea, erantzukizuna onartuta eta bere egitekoak pertsonen segurtasunerako daukan garrantziaz jabetuta.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Saiakuntza ez-suntsitzaileen operadorea.

Zer-nolako lan-irtenbideak izango ditut?

Lanbide-titulu hau duenak galdaragintzako eta egiturako produktuak fabrikatu, konpondu eta muntatzeko industrietan egiten du lan, industria-sektorearen barruko eraikuntza metalikoen, hodien, aeronautikaren eta ontzigintzaren azpisektoreekin lotuta.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• Materialak eta kalitatea produktu metalikoen fabrikazioan. (120 o.)
• Saiakuntza ez-suntsitzaileak gainazaleko eta gainazalpeko akatsak detektatzeko. (224 o.)
• Saiakuntza ez-suntsitzaileak barne-akatsak detektatzeko. (320 o.)
• Laneko arriskuak, kalitatea eta ingurumena kudeatzeko sistema integratuak. (110 o.)
• Barneko eta egoeraren araberako konpetentzia pertsonalen garapena. (120 o.)