NATUR INGURUNEAN GORPUTZ ETA KIROL-EKINTZAK GIDATZEKO TEKNIKARIA (LOGSE)

Sartzeko baldintzak:

Erdi-mailako ziklo edo moduluetara sartzeko, gutxienez honako baldintzetako bat bete behar da:
• Derrigorrezko Bigarren Hezkuntzako graduatu titulua izatea.
• Oinarrizko Lanbide titulua izatea.
• Goi-mailako batxiler-titulua izatea.
• Unibertsitate-titulua izatea.
• Lanbide Heziketako Teknikari edo Goi Teknikari titulua izatea.
• Teknikari laguntzaile titulua izatea.
• Batxilergoko irakasgai guztiak gainditu izana egiaztatzen duen ziurtagiria izatea.
• Hezkuntzari buruzko maiatzaren 3ko 2/2206 Lege Organikoaren arabera ezarritako Bigarren Hezkuntzako Graduatu titulua.
• Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoan ezarritako Bigarren Hezkuntzako Graduatu titulua izatea.
• Hezkuntza Administrazioak baimendutako ikastetxe publiko eta pribatuetan erdi-mailako zikloak egin ahal izateko berariazko prestakuntza-ikastaroa gainditu izana, eta 17 urte beteak izatea proba amaitzen den urtean.
• Erdi- edo goi-mailako heziketa-zikloetara sartzeko proba gainditu izana.
• Hasierako Kalifikazio Programa baten derrigorrezko moduluak gainditu izana Oinarrizko Lanbide Heziketako zikloen lehenengo kurtsoa ezarri aurretik.
• Batxilergo Bateratu Balioaniztuneko (BBB) lehenengo bi kurtsoak gainditu izana, denera, gainditu gabeko bi irakasgairekin, gehienez.
• Erdi-mailako irakaskuntzen erreformako lehenengo ziklo esperimentalaren 2. kurtsoa gainditu izana.
• Arte aplikatuak eta lanbide artistikoen 63ko planaren esperimental komunen 3. kurtsoa gainditu izana.
• Unibertsitatean sartzeko 25 urtetik gorakoentzako sarrera-proba gainditu izana.
• Uztailaren 29ko 1147/2011 Errege Dekretuaren hirugarren xedapen gehigarriko b) hizkian ezarritako goi-mailako heziketa-zikloetara sartzeko titulazio baliokideren bat izatea egiaztatzea.
• Ondorio akademikoetarako, aurrekoetako baten baliokide deklaratutako bestelako prestakuntza-ikasketak edo -ikastaroak gainditu izana.
• Atzerriko ikasketak lehenago zerrendatutako tituluren batekin homologatzeko egiaztagiria.

Ikasketaren iraupena:

1.400 ordu.

Zer ikasiko dut? Zer egingo dut?

Profesional hau gai izango da:
• Bezeroak mendi-bideetatik eta behe- eta erdi-mendiko ibilbideetatik eramateko.
• Bezeroak natura-inguruneko ibilbideetatik bizikletan eramateko.
• Bezeroak natura-inguruneko ibilbideetatik zaldiz eramateko.
• Enpresa txiki batean administrazioaz, kudeaketaz eta merkaturatzeaz arduratzeko.

Nire ikasketak amaitzean, zer egin dezaket?

Profesional honek administrazioan eta organismo publikoetan zein enpresa pribatuetan egin dezake lan, eta, berak planifikatuta, pertsona-taldeekin -horien adina, interesak eta baldintza fisikoa kontuan izanik- gauzatuko dituen gorputz-ekintzen eta aire zabaleko ekintzen monitore gisa jardungo du.

Zer-nolako lan-irtenbideak izango ditut?

• Mendiko laguntzaile.
• Zaldi-turismoko gida.
• Bizikletaz egiteko ibilbideetako gida.
• Enpresa turistiko edo erakunde publiko edo pribatuen barruan, naturan egin beharreko ekintzen sustapenerako/gidatzerako ekintzen koordinatzailea.
• Sustapeneko/gidatzeko ekintzen sustatzailea klub edo elkarteetan.

Mota hauetako enpresetan eta erakundeetan:
• Abentura-ekintzetako enpresak.
• Enpresa turistikoak: hotelak, kanpinak, aterpeak edo kolonia-etxeak, mendi-aterpeak.
• Bidai agentziak.
• Parke naturalak edo zona babestuak kudeatzeko enpresak.
• Kirol-klubak.
• Eskolak.
• Denboraldiz kanpo ekintzen eskaintza osagarria duten eski-estazioak.
• Natur ingurunean ekintza-programak eskaintzen dituzten erakunde publikoak.

Zer lanbide araututara sar daiteke titulazio honekin?

Titulu honen bidez ez da zuzenean inolako lanbide araututara sartzen.

Prestakuntza-plana:

Ikastetxean, prestakuntza teoriko-praktikoaren bitartez. Edukiak honako lanbide-modulu hauetan biltzen dira:
• Lehorreko natur inguruneko ibilaldiak, egonaldiak eta segurtasuna. (210 o. oinarrizkoak - 272 o. finkoak)
• Taldeak bizikletaz eramatea. (114 o. oinarrizkoak - 140 o. finkoak)
• Taldeak zaldiz eramatea eta zaldien oinarrizko zaintza. (130 o. oinarrizkoak - 160 o. finkoak)
• Enpresa txikien administrazioa, kudeaketa eta merkaturatzea. (90 o. oinarrizkoak - 90 o. finkoak)
• Oinarri biologikoak, osasuna eta lehen laguntzak. (90 o. oinarrizkoak - 110 o. finkoak)
• Ezintasunak dituzten pertsonentzako gorputz-ekintzak. (60 o. oinarrizkoak - 64 o. finkoak)
• Talde-dinamika. (60 o. oinarrizkoak - 64 o. finkoak)
• Laneko prestakuntza eta orientabidea (LPO). (60 o. oinarrizkoak - 60 o. finkoak)
• Kalitatea eta etengabeko hobekuntza (KEH). (40 o. oinarrizkoak - 40 o. finkoak)
• Lantokiko prestakuntza (LP). (336 o. oinarrizkoak - 400 o. finkoak)