ONTZI ETA ITSASONTZIEN MAKINERIA ZAINTZEKO ETA KONTROLATZEKO TEKNIKARIA

Sartzeko baldintzak:

Erdi-mailako ziklo edo moduluetara sartzeko, gutxienez honako baldintzetako bat bete behar da:
• Derrigorrezko Bigarren Hezkuntzako graduatu-titulua edo goi-mailako ikasketa-maila izatea.

• Oinarrizko lanbide-titulua izatea (oinarrizko lanbide-heziketa).
• Teknikariaren edo teknikari laguntzailearen titulua edo baliokidea izatea ondorio akademikoetarako.
• Batxilergo Bateratu Balioanizduneko (BBB) bigarren maila gainditu izana.
• Erdi-mailako heziketa-zikloetara sartzeko proba gainditu izana (gutxienez hamazazpi urte beteta izan beharko dira proba egiten den urtean).
• 25 urtetik gorakoentzako unibertsitatera sartzeko proba gainditu izana.

Ikasketaren iraupena:

2.000 ordu

Zer ikasiko dut? Zer egingo dut?

• Itsasontzietako propultsio-planta, makinak eta sistema osagarriak mantentzea, segurtasunez jartzeko abian eta funtzionamenduan, betiere ezarritako prozeduren arabera.
• Itsasontziaren propultsio-plantaren eta motor osagarrien funtzionamendua kontrolatzea maniobretan.
• Makinako guardiako ofizial gisa duen ardura gauzatzea, itsasoan zein portuan, betiere STCW eta STCW-f kodeen arabera.
• Propultsio-plantako makinen eta tresnen mantentze prebentiboko planak betetzea.
• Propultsio-plantako, itsasontziaren bizkarreko eta arrantza-parkeko makina eta tresneriaren matxurak eta disfuntzioak diagnostikatzea eta bere mailan konpontzea.
• Itsasontzian instalatutako erregulazio eta kontroleko sistema automatikoak egiaztatzea eta mantentzea.
• Itsasontziko sistema elektrikoak operatibo mantentzea.
• Itsasontziko hotz-planta eta girotze-sistema operatibo mantentzea.
• Itsasontziaren makinetako eta egiturako elementuak ur gainean eta lehor mantentzea.
• Itsasoko larrialdiei ontzian bertan aurre egitea, larrialdi-planak abian jarrita.
• Gaixoei eta istripua izan dutenei itsasontzian bertan laguntzea, ezarritako jardun protokoloen arabera.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Motorrak eta multzo mekanikoak konpontzeko eta mantentzeko langilea.
• Motor eta lurrineko energia-plantak konpontzeko eta mantentzeko langilea.
• Makinaburua (973/2009 Errege Dekretuan ezartzen zaizkion esleipenekin).
• Makinetako ofiziala edo makinetako lehen ofiziala (973/2009 Errege Dekretuan eta 2010eko maiatzaren 31ko Sustapen Ministerioaren 11260 Ebazpenean ezartzen zaizkion esleipenekin).
• Arrantza-ontzietako makinetako ofiziala edo makinetako lehen ofiziala (653/2005 Errege Dekretuan arautzen denaren arabera).
• Kirol- eta olgeta-ontzietako propultsio-plantako, makinetako eta tresneria osagarrietako mantentze eta instalazioko elektromekanikaria.
• Motorren mekanikaria.
• Kirol- eta olgeta-ontzietako aire girotuaren eta fluidoen mantentzailea.
• Ontzietako argiketaria.
• Motorrak, dinamoak eta transformagailuak mantentzeko eta konpontzeko argiketaria.
• Hotz-sistemak eta aire girotuko sistemak instalatzeko eta mantentzeko langilea.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako ziklo batekin.
• Erdi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Batxilergoarekin, haren edozein modalitatetan.

Zer-nolako lan-irtenbideak izango ditut?

Profesional honek karga eta/edo bidaiariak garraiatzeko itsasontzietan edota arrantza-ontzietan (publikoetan nahiz pribatuetan) egiten du lan; hori guztiak administrazio eskudunak ezarritako mugen eta esleipenen barruan.
Era berean, prestakuntza honek aukera ematen dio ontziak eta energia-plantak mantentzen dituzten enpresetan lan egiteko, besteren kontura edo bere kontura.

Zer lanbide araututara sar daiteke titulazio honekin?

• Ontzietako mekanikaria (merkataritza-nabigazioan eta arrantzan).
• Merkataritza-nabigazioko makinetako marinela.
• Itsas espezialitateko ziurtagiria: oinarrizko prestakuntza.
• Itsas espezialitateko ziurtagiria: biziraupeneko ontziak eta erreskate txalupa ez-azkarrak.
• Fluor-gasen hoztaileen edozein kargako hozteko sistemak dituen tresneria manipulatzea.

Prestakuntza-plana:

Hauek dira heziketa-ziklo honetako lanbide-moduluak:
• Propultsio-plantaren eta makineria osagarriaren zainketa. (231 o.)
• Mekanizazio- eta soldatze-prozedurak ontzi eta itsasontzietan. (198 o.)
• Automatismoen erregulazioa eta zainketa ontzi eta itsasontzietan. (210 o.)
• Instalazioen eta makina elektrikoen zainketa ontzi eta itsasontzietan. (231 o.)
• Hozte- eta girotze-makineria instalatzea eta zaintzea ontzi eta itsasontzietan. (168 o.)
• Makinen guardia-prozedurak. (84 o.)
• Ingelesa. (165 o.)
• Itsas segurtasuna. (99 o.)
• Osasun-arreta ontzian. (66 o.)
• Laneko prestakuntza eta orientabidea. (105 o.)
• Enpresa eta ekimen sortzailea. (63 o.)
• Lantokiko prestakuntza. (380 o.)