Lanbide-arloak

Instalatze eta mantentze lanak - IMA

Heziketa-zikloak > Erdi-maila

MANTENTZE LAN ELEKTROMEKANIKOETAKO TEKNIKARIA

Sartzeko baldintzak:

Erdi-mailako ziklo edo moduluetara sartzeko, gutxienez honako baldintzetako bat bete behar da:
• Derrigorrezko Bigarren Hezkuntzako graduatu titulua izatea.
• Oinarrizko Lanbide titulua izatea.
• Goi-mailako batxiler-titulua izatea.
• Unibertsitate-titulua izatea.
• Lanbide Heziketako Teknikari edo Goi Teknikari titulua izatea.
• Teknikari laguntzaile titulua izatea.
• Batxilergoko irakasgai guztiak gainditu izana egiaztatzen duen ziurtagiria izatea.
• Hezkuntzari buruzko maiatzaren 3ko 2/2206 Lege Organikoaren arabera ezarritako Bigarren Hezkuntzako Graduatu titulua.
• Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoan ezarritako Bigarren Hezkuntzako Graduatu titulua izatea.
• Hezkuntza Administrazioak baimendutako ikastetxe publiko eta pribatuetan erdi-mailako zikloak egin ahal izateko berariazko prestakuntza-ikastaroa gainditu izana, eta 17 urte beteak izatea proba amaitzen den urtean.
• Erdi- edo goi-mailako heziketa-zikloetara sartzeko proba gainditu izana.
• Hasierako Kalifikazio Programa baten derrigorrezko moduluak gainditu izana Oinarrizko Lanbide Heziketako zikloen lehenengo kurtsoa ezarri aurretik.
• Batxilergo Bateratu Balioaniztuneko (BBB) lehenengo bi kurtsoak gainditu izana, denera, gainditu gabeko bi irakasgairekin, gehienez.
• Erdi-mailako irakaskuntzen erreformako lehenengo ziklo esperimentalaren 2. kurtsoa gainditu izana.
• Arte aplikatuak eta lanbide artistikoen 63ko planaren esperimental komunen 3. kurtsoa gainditu izana.
• Unibertsitatean sartzeko 25 urtetik gorakoentzako sarrera-proba gainditu izana.
• Uztailaren 29ko 1147/2011 Errege Dekretuaren hirugarren xedapen gehigarriko b) hizkian ezarritako goi-mailako heziketa-zikloetara sartzeko titulazio baliokideren bat izatea egiaztatzea.
• Ondorio akademikoetarako, aurrekoetako baten baliokide deklaratutako bestelako prestakuntza-ikasketak edo -ikastaroak gainditu izana.
• Atzerriko ikasketak lehenago zerrendatutako tituluren batekin homologatzeko egiaztagiria.

 

Ikasketaren iraupena:

2.000 ordu

Zer ikasiko dut? Zer egingo dut?

• Instalazioak muntatzearekin eta mantentzearekin lotzen diren eragiketak egitea.
• Instalazioak muntatzeko edo mantentzeko beharrezko baliabideak eta bitartekoak biltzea.
• Instalazioetan dokumentazio teknikoaren araberako aldaketak proposatzea, muntaiaren bideragarritasuna ziurtatzeko; eskumen-arazoak ebatzita eta bestelako gorabeheren berri emanda.
• Instalazio elektromekanikoekin lotzen diren sistema mekanikoak, hidraulikoak, pneumatikoak eta gainerako elementu osagarriak muntatzea.
• Instalazio elektromekanikoekin lotzen diren sistema elektrikoak eta erregulazio eta kontrolekoak kalitate- eta segurtasun-baldintzetan muntatzea.
• Instalazio elektromekanikoak mantentzeko eta muntatzeko osagai mekanikoak fabrikatzea eta/edo lotzea.
• Instalazioen probak eta egiaztapenak egitea, bai funtzionalak, bai arauzkoak; haien funtzionamendua egiaztatu eta doitzeko.
• Instalazioen tresneriaren eta elementuen disfuntzioak diagnostikatzea, beharrezko bitartekoak eskatutako segurtasunaz erabilita eta ezarritako prozedurak aplikatuta.
• Instalazioetan tresneria eta elementuak konpontzea, mantentzea eta ordeztea, funtzionamendu-baldintzak ziurtatzeko eta berrezartzeko.
• Instalazioa abian jartzea, makinen, automatismoen eta segurtasun-gailuen funtzionamendu-probak eginda, hura muntatu eta mantendu ondoren.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Produkzio-lerro automatizatuen instalatzaile elektriko/elektronikoa.
• Produkzio-lerro automatizatuen mantentzaile elektriko/elektronikoa.
• Mantentze-lanetako mekanikaria.
• Industria-muntatzailea.
• Linea automatizatuetako mantentzailea.
• Tresneria-ondasunetako muntatzailea.
• Tresneria elektrikoetako muntatzailea.
• Tresneria elektronikoetako muntatzailea.
• Automatismo pneumatikoen eta hidraulikoen muntatzailea.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako ziklo batekin.
• Erdi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Batxilergoarekin, haren edozein modalitatetan.

Zer-nolako lan-irtenbideak izango ditut?

Profesional honek makineria, industria-tresneria eta linea automatizatuak muntatzera eta mantentzera zuzentzen diren enpresetan, batez ere pribatuetan, egiten du lan, beren kontura edo besteren kontura.

Zer lanbide araututara sar daiteke titulazio honekin?

Titulu honen bidez ez da zuzenean inolako lanbide araututara sartzen.

Prestakuntza-plana:

Hauek dira heziketa-ziklo honetako lanbide-moduluak:
• Fabrikazio-teknikak. (231 o.)
• Lotura- eta muntaia-teknikak. (105 o.)
• Elektrizitatea eta automatismo elektrikoak. (264 o.)
• Automatismo pneumatikoak eta hidraulikoak. (231 o.)
• Muntaia- eta mantentze-lan mekanikoak. (189 o.)
• Muntaia- eta mantentze-lan elektriko/elektronikoak. (231 o.)
• Linea automatizatuen muntaia- eta mantentze-lanak. (168 o.)
• Ingeles teknikoa. (33 o.)
• Laneko prestakuntza eta orientabidea. (105 o.)
• Enpresa eta ekimen sortzailea. (63 o.)
• Lantokiko prestakuntza. (380 o.).

IVAC-EEI-ko Komunikazioak
© IVAC/EEI 2013. Eskubide guztiak erreserbatuta / Web diseinua Labrys Igo ↑ RSS RSS feed Protección de datos y Política de Cookies