ERAIKINEN INFORMAZIOAREN MODELAKETAKO (BIM) ESPEZIALIZAZIO-IKASTAROA

Hauek dira espezializazio-ikastaro honetarako sarbidea ematen duten tituluak:

• Metal-eraikuntzetako Goi-mailako Teknikaria.
• Instalazio Termiko eta Fluidodunen Proiektuak Garatzeko Goi-mailako Teknikaria.
• Instalazio Termiko eta Fluidodunak Mantentzeko Goi-mailako Teknikaria.
• Energia-eraginkortasuneko eta Eguzki-energia Termikoko Goi-mailako Teknikaria.
• Eraikuntza-proiektuetako Goi-mailako Teknikaria.
• Sistema Elektrotekniko eta Automatizatuetako Goi-mailako Teknikaria.
• Zentral Elektrikoetako Goi-mailako Teknikaria.
• Energia Berriztagarrietako Goi-mailako Teknikaria.
• Obra Zibileko Proiektuetako Goi-mailako Teknikaria.
• Telekomunikazio- eta Informatika-sistemetako Goi-mailako Teknikaria.
• Mekatronika Industrialeko Goi-mailako Teknikaria.
• Automatizazioko eta Robotika Industrialeko Goi-mailako Teknikaria.
• Eraikuntza-obrak Antolatzeko eta Kontrolatzeko Goi-mailako Teknikaria.
• Uraren Kudeaketako Goi-mailako Teknikaria.

Ikastaroaren iraupena:

600 ordu

Zer ikasi eta egingo dut?

• Proiektuaren dokumentazio teknikoa egiten, BIM metodologiari jarraikiz, kontuan hartuta bertan ezarritako dimentsioak, xehetasun- eta zehaztasun-mailak, lan-fluxuak, BIM erabilerak eta lankidetza-prozesuak, besteak beste.
• Proiektuaren espezialitate batzuen eta besteen arteko lan-prozesuak zehazten eta irudikatzen, unean uneko eskakizunen arabera.
• Zenbait espezialitatetako BIM objektuak garatzen, horretarako beharrezkoak diren parametroak aintzat hartuta.
• Informazio grafikoa eta ez-grafikoa modelatzeko prozesuak identifikatzen, eredu birtualetik informazioa eta datuak eskuratzeko.
• Eredu birtualak garatzen, proiektuan ageri diren espezialitateen informazio grafikoa eta ez-grafikoa erabiliz.
• Eredu federatuan dauden aurkakotasunak hautemateko azterketa egin ondoren (clash detection), emaitzen eta hartu beharreko neurrien berri ematen.
• Ereduaren bista-txantiloiak eta plano pertsonalizatuak konfiguratzen, dokumentazioaren sorkuntza automatizatzeko.
• Obraren planifikazio-diagramak uztartuz eredua gainbegiratzen eta kontrolatzen.
• BIM ereduen jasangarritasunaren eta efizientzia energetikoaren mailaren eta adierazleen berri izaten.
• Egungo egoerari erreparatuta, puntu-hodeien eta bestelako teknologien hiru dimentsioko ereduak eskuratzen, 3D eskanerraren teknologiaren bidez eta informazioaren tratamenduaren bidez.
• Errealitate areagotuaren, errealitate mistoaren eta errealitate birtualaren teknikak BIM ereduei aplikatzen, biki digitalak eskuratzeko.
• Bulegotikako eta ordenagailuz lagundutako diseinuko tresnak erabilita, hartzaileentzako informazio-eskuliburuak garatzen, dokumentazio teknikoa eta administratiboa lantzeko.
• Geografikoki deszentralizatuta dauden beste profesional batzuei BIM ereduen garapenean laguntzen, enpresaren helburuak lortzeko.
• Automatizatu daitezkeen prozesuak identifikatzen, proiektuaren helburuei eta bezeroen eskakizunei erantzuteko.
• Dokumentazio teknikoa eta administratiboa lantzen, indarreko legeriari eta bezeroen eskakizunei jarraikiz.

Ikasketak amaitutakoan, zer egiteko moduan izango naiz?

Espezializazio-ikastaro hau gainditu eta horren ziurtagiria lortu duten ikasleek aukera izango dute beren proiektuetan BIM metodologia erabiltzen duten arkitekturaren, ingeniaritzaren eta eraikuntzaren arloko enpresa publiko eta pribatuetan jarduteko, baldin eta produktu eta aktiboen informazio-ereduak garatzeko prozesuak digitalizatzeko joera argia badute.

Hauek dira zeregin eta lanpostu aipagarrienak:
• BIM modelatzailea
• BIM ereduen arduraduna
• BIM ereduen koordinatzailea
• BIM managerra

Zer irtenbide profesional izango ditut?

Profesional honen jarduera informazio grafikoa eta ez-grafikoa BIM metodologiaren bidez garatzean eta modelatzean datza, arkitekturako, ingeniaritzako eta eraikuntzako proiektuetan. Horrez gain, lankide gisa jarduten du proiektuetako prozesuetan, betiere bezeroen eskakizunak (EIR: Employer's Information Requirements) eta BIM Exekuzio Planean (BEP: Building Execution Plan) jasotako preskripzioak errespetatuta.

Zer lanbide araututan jardun naiteke programa honen bidez?

Titulu honek ez du biderik ematen inongo lanbide araututara zuzenean sartzeko.

Prestakuntza-plana:

Hauek dira heziketa-ziklo honetako lanbide-moduluak:
• BIM metodología (55 o.)
• Arkitektura- eta egitura-ereduak (85 o.)
• Instalazio mekanikoen ereduak eta jasangarritasuna (80 o.)
• Instalazio elektronikoen ereduak eta komunikazioak (65 o.)
• Kontrola, kudeaketa eta aurrekontuak (45 o.)