ADIMEN ARTIFIZIALA ETA BIG DATAKO ESPEZIALIZAZIO-IKASTAROA

Hauek dira espezializazio-ikastaro honetarako sarbidea ematen duten tituluak:

• Sareko Informatika-sistemen Administrazioko Goi-mailako Teknikaria.
• Plataforma Anitzeko Aplikazioak Garatzeko Goi-mailako Teknikaria.
• Web Aplikazioen Garapeneko Goi-mailako Teknikaria.
• Telekomunikazio- eta Informatika-sistemetako Goi-mailako Teknikaria.
• Mekatronika Industrialeko Goi-mailako Teknikaria.
• Automatizazioko eta Robotika Industrialeko Goi-mailako Teknikaria.

Ikastaroaren iraupena:

600 ordu

Zer ikasi eta egingo dut?

• Adimen Artifizialeko sistemak aplikatzen, negozioetan produktibitatea hobetuko duten interakzio-forma berriak identifikatzeko.
• Negozio batean datu masiboak kudeatuz eta ustiatuz erabaki azkarrak hartzea erraztuko duten adimen artifizialeko sistemak garatzen eta inplementatzen.
• Erakundeek datuen tratamenduaren bidez enpresa-efizientzia lortzeko behar duten eraldaketa digitala kudeatzen.
• Funtzionaltasunetan, prozesuetan eta enpresetako erabakiak hartzeko sistemetan adimen artifiziala aplikatzen.
• Mota guztietako adimen artifizialak kudeatzen, enpresetan eraldaketa eta aldaketa lortzeko.
• Enpresen produktibitatea hobetzea ahalbidetuko duten automatizazio-prozesuen garapena administratzen.
• Prozesu autonomoen garapena optimizatzen, adimen artifizialeko tresnen bidez.
• Datu-bolumen handiak ustiatzeko sistemak integratzen, Big Datako soluzioak aplikatuz.
• Funtzionaltasunak, prozesuak eta enpresetako erabakiak hartzeko sistemak ezartzen, horietan Big Datako teknikak aplikatuz.
• Datuak ustiatzeko sistema exekutatzen, ezarritako erabilera-premien eta segurtasun-baldintzen arabera, printzipio legal eta etikoak betetzen direla bermatuta.
• Big Datako eta adimen artifizialeko soluzioak garatzeko erabiltzen diren tresnak konfiguratzen.
• Datuak, informazioa eta informazioaren irudikapena efizienteki kudeatzen, ezagutza bihurtu dadin.

Ikasketak amaitzean, zer egin dezaket?

Honela lan egitea:
• Adimen artifizialaren eta Big Dataren garatzailea
• Sistema adituen programatzailea
• Adimen artifizialean eta Big Datan aditua
• Datu-analista

Zer irtenbide profesional ditu?

Espezializazio-ikastaro hau gainditu eta horren ziurtagiria lortu duten ikasleek aukera izango dute produkzio-sektore guztietako enpresa publiko eta pribatuetan jarduteko, baita norberaren kontura ere, programazioaren, azpiegituraren eta aholkularitzaren arloetan.

Programa honen bidez zein lanbide araututan jardun daitekeen?

Titulu honek ez du biderik ematen inongo lanbide araututara zuzenean sartzeko.

Prestakuntza-plana:

Espezializazio-ikastaro honetako lanbide-moduluak honako hauek dira:
• Adimen artifizialeko ereduak. (40 o.)
• Ikaskuntza automatikoko sistemak. (50 o.)
• Adimen artifizialaren programazioa. (110 o.)
• Big Datako sistemak. (55 o.)
• Big Data aplikatua. (75 o.)