AISIAKO ONTZIETAKO ZUR EGITURAK ETA ALTZARIAK MANTENTZEKO TEKNIKARIA

Sartzeko baldintzak:

Erdi-mailako ziklo edo moduluetara sartzeko, gutxienez honako baldintzetako bat bete behar da:
• Derrigorrezko Bigarren Hezkuntzako graduatu-titulua edo goi-mailako ikasketa-maila izatea.

• Oinarrizko lanbide-titulua izatea (oinarrizko lanbide-heziketa).
• Teknikariaren edo teknikari laguntzailearen titulua edo baliokidea izatea ondorio akademikoetarako.
• Batxilergo Bateratu Balioanizduneko (BBB) bigarren maila gainditu izana.
• Erdi-mailako heziketa-zikloetara sartzeko proba gainditu izana (gutxienez hamazazpi urte beteta izan beharko dira proba egiten den urtean).
• 25 urtetik gorakoentzako unibertsitatera sartzeko proba gainditu izana.

Ikasketaren iraupena:

2.000 ordu

Zer ikasiko dut? Zer egingo dut?

Profesional hau gai izango da:
• Zurezko aisia-ontzien mantentze-lanak planifikatzeko eta/edo egiteko behar den informazioa lortzea, jarduerari lotutako dokumentazio teknikoa erabiliz eta bezeroari galderak eginez.
• Zurezko aisia-ontzien egituretan, kroskoetan, gainaldeetan eta barruko elementuetan matxurarik bada, matxura horiek aurkitzea, bezeroak emandako informazioa, dokumentazio teknikoa eta diagnostikorako behar diren ekipoak erabiliz.
• Zurezko aisia-ontzien matxuren eta disfuntzioen garrantzia zehaztea, dokumentazio teknikoa eta diagnostikorako ekipoak erabiliz.
• Mantentze-lanen plangintza egitea, prozedura ezartzea eta beharko diren materialak edo ordezko piezak, ekipoak eta lanabesak zehaztea, baita aplikatzekoak diren segurtasun-neurriak ere.
• Biltegira sartzen diren eta handik irteten diren materialak, osagaiak eta produktuak aukeratzea eta biltzea, ezarritako zehaztapenekin bat etorriz.
• Aisia-ontzien zurezko egitura-elementuak egokiro mantentzea.
• Aisia-ontzien zurezko barrualdeko elementuak egokiro mantentzea, eta, beharrezkoa bada, haietan aldaketak egitea.
• Aisia-ontzien zurezko kroskoak eta gainaldeak berregitea, fabrikatzailearen eskakizun teknikoak eta aplikatzekoa den araudiak betez.
• Gainazalak prestatzea eta margo-nahasteak aplikatzea, ezarritako zehaztapenak lortzeko behar diren akabera-ekipoak erabiliz.
• Aisia-ontzietako altzariak eta arotzeria-elementuak muntatzea eta/edo moldatzea, multzoen muntaketaren egiaztapenak egiteko behar diren neurketa-tresnak erabiliz.
• Zurezko elementuen muntaketan eta akabera-lanetan erabilitako makinen eta mekanizatze-ekipoen lehen mailako mantentze-lanak egitea, mantentze-lanen fitxan jasotakoarekin bat etorriz.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Aisia-ontzien arotza (altzarien muntatzailea/konpontzailea).
• Erriberako arotza (zurezko aisia-ontzien egituren, kroskoen eta gainaldeen mantentzailea).

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako ziklo batekin.
• Erdi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Batxilergoarekin, haren edozein modalitatetan.

Zer-nolako lan-irtenbideak izango ditut?

Titulu hau eskuratzen dutenek zurezko aisia-ontzien mantentze-lanen sektorean dihardute.

Zer lanbide araututara sar daiteke titulazio honekin?

Titulu honen bidez ez da zuzenean inolako lanbide araututara sartzen.

Prestakuntza-plana:

Hauek dira heziketa-ziklo honetako lanbide-moduluak:
• Arotzeria eta altzarigintzako materialak. (70 o.)
• Eraikuntza-soluzioak. (105 o.)
• Arotzeriako oinarrizko eragiketak. (140 o.)
• Altzarigintzako oinarrizko eragiketak. (125 o.)
• Biltegiko kontrola. (35 o.)
• Aisiako ontziak mantentze-lanetarako prestatzea. (60 o.)
• Erriberako arotzeriako osagaien mekanizazioa. (90 o.)
• Aisiako ontzietako zurezko ontzigainak eta kroskoak mantentzea. (90 o.)
• Aisiako ontzietako zurezko egiturako osagaiak mantentzea. (90 o.)
• Aisiako ontzietako barrualdeko zurezko osagaiak eta altzariak mantentzea. (90 o.)
• Laneko prestakuntza eta orientabidea. (50 o.)
• Enpresa eta ekimen sortzailea. (35 o.)
• Lantokiko prestakuntza. (220 o.)