IBILGAILUEN AZTERKETA TEKNIKOKO ETA EZBEHARREN PERITAZIOKO ESPEZIALIZAZIO-IKASTAROA

Programarekin lotutako tituluak:

• Automozioko Goi-mailako Teknikaria.
• Pistoi-motorreko Hegazkinen Mantentze Aeromekanikoko Goi-mailako Teknikaria.
• Turbina-motorreko Hegazkinen Mantentze Aeromekanikoko Goi-mailako Teknikaria.
• Pistoi-motorreko Helikopteroen Mantentze Aeromekanikoko Goi-mailako Teknikaria.
• Turbina-motorreko Helikopteroen Mantentze Aeromekanikoko Goi-mailako Teknikaria.
• Aireontzien Sistema Elektronikoak eta Abionikoak Mantentzeko Goi-mailako Teknikaria.

Ikasketaren iraupena:

600 ordu

Zer ikasiko dut? Zer egingo dut?

Ezbeharra izan duten ibilgailuen peritazioa kudeatzea, izandako kalteen norainokoa eta kalte horiek konpontzeko behar diren materialak baloratuz, eta konponketa izapidetzeko behar den dokumentazio guztia prestatzea. Bestalde, Ibilgailuen Azterketa Teknikoaren araudia ezagutzea, ibilgailuen aldizkako azterketak egitea eta legediaren erreforma garrantzitsuak ezagutzea, betiere indarrean dagoen araudiak ezarritako zehaztapenekin bat etorriz.

Ikasketak amaitutakoan, zer egiteko moduan izango naiz?

Lan-aukerak:
• Automobilen aseguru-perituak, aseguru-etxeetakoak eta peritu-kabineteetakoak.
• Aseguru-etxeetako izapidegileak.
• Ibilgailuak konpontzeko tailerretako balorazio-aholkulariak.
• Peritazio- eta matxura-aholkulariak, renting-eko, leasing-eko eta ibilgailu-enkanteetako enpresetakoak.
• Ibilgailuak konpontzeko tailerretako karrozeria-ataleko buruak.
• Automobil-industriako zerbitzu-hornitzaileak.
• IATko ikuskatzaile teknikoak.
• IATko arduradunak.
• Ibilgailuen aseguru-polizak kontratatzeko egiaztatzaileak.
• Ibilgailuak tratatzeko zentro baimenduetan ibilgailuak jasotzeko egiaztagailuak

Zer irtenbide profesional ditu?

Lanbide Heziketako Masterraren titulua dutenak edo espezializazio-ikastaro hau gainditu izana egiaztatzen duen bertaratze-ziurtagiri akademikoa lortu dutenak ezbeharra izan duten ibilgailuak peritatzen eta ibilgailuen azterketa teknikoa egiten diharduten sektore ekonomiko guztietan aritu daitezke lanean, bai eta beste enpresa-sektore batzuetan ere; besteak beste, honako hauetan:
• Ibilgailuak peritatzeko enpresak.
• Aseguru-etxeak.
• Ibilgailuen multzoen eta azpimultzoen saiakuntzak egiteko laborategiak.
• Ibilgailuak alokatzeko floten enpresak.
• Ibilgailuen osagarriak instalatzeko enpresak.
• Ibilgailuen azterketa teknikoko enpresak.
• Ibilgailuak konpontzeko tailerrak
• Ibilgailuetarako laguntza-enpresak.
• Ibilgailuak tratatzeko zentro baimenduak.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Hauek dira espezializazio-ikastaro honetako lanbide-moduluak:
• Ezbeharra izan duten ibilgailuak peritatzea. (150 o.)
• IAT Ibilgailuen Azterketa Teknikoa kudeatzea. (150 o.)