IBILGAILU HIBRIDO ETA ELEKTRIKOEN MANTENTZE-LANETAKO ESPEZIALIZAZIO-IKASTAROA

Hauek dira espezializazio-ikastaro honetarako sarbidea ematen duten tituluak:

• Ibilgailu Automobilen Elektromekanikako Teknikaria.
• Makineriaren Elektromekanikako Teknikaria.
• Trenetako Gurpildun Materiala Mantentzeko Teknikaria.

Ikastaroaren iraupena:

900 ordu

Zer ikasi eta egingo dut?

• Ibilgailu hibrido eta elektrikoen sistemetan konponketa-prozesuak hautatzen, eskuliburu teknikoetako informazioa interpretatuta.
• Ibilgailu hibrido eta elektrikoetan matxurak hautematen, horretarako ezarritako prozedurei jarraikiz.
• Lan-arriskuen eta ingurumen-arriskuen prebentziorako prozedurak aplikatzen, ibilgailu hibrido eta elektrikoetarako araudian ezarritakoari jarraikiz.
• Ibilgailuaren propultsio-sistema hibrido eta elektrikoen elementu indibidualak, azpitaldeak eta taldeak konpontzen, horretarako prozedura eta teknika egokiak erabilita.
• Ibilgailu elektrikoen energia biltegiratzeko sistemak ordezten, horretarako beharrezkoak diren tresnak eta ekipoak erabilita eta dagokion araudian ezarritako teknikak aplikatuta.
• Ibilgailu hibrido eta elektrikoetako kudeaketa-, karga- eta biltegiratze-parametroak egiaztatzen eta doitzen, ekipamenduak maneiatuta eta ezarritako teknikak aplikatuta.
• Ibilgailu hibrido eta elektrikoetako indarren transmisiorako eta kudeaketa termikorako sistemak konpontzen, teknika egokiak aplikatuta.
• Esku-hartzeen emaitzak egiaztatzen eta fabrikatzaileak ezarritako kalitate-estandarrekin alderatzen.
• Makinen eta ekipoen lehen mailako mantentze-lanak egiten, mantentze-fitxarekin bat eta ezarritako maiztasunaren arabera.

Ikasketak amaitzean, zer egin dezaket?

Honela lan egitea:
• Ibilgailu elektrikoak mantentzeko teknikaria
• Ibilgailu hibridoak mantentzeko teknikaria
• Ibilgailuen osagarriak instalatzeko teknikaria
• Ordezko piezen eta diagnosi-ekipoen saltzailea / banatzailea
• Ibilgailuak fabrikatzeko enpresetako muntaketa-teknikaria
• Sistema pneumatikoak eta hidraulikoak konpontzeko teknikaria
• Transmisio- eta balazta-sistemak konpontzeko teknikaria
• Direkzio- eta esekidura-sistemak konpontzeko teknikaria
• Sistema elektrikoak eta karga-sistemak konpontzeko teknikaria
• Ordezko piezak fabrikatzen dituzten enpresetako langilea

Zer irtenbide profesional ditu?

Espezializazio-ikastaro hau gainditu eta horren ziurtagiria lortu duten ikasleek aukera izango dute ibilgailu hibrido eta elektrikoen sektorean eta automobilgintzaren azpisektorean jarduteko.

Programa honen bidez zein lanbide araututan jardun daitekeen?

Titulu honek ez du biderik ematen inongo lanbide araututara zuzenean sartzeko.

Prestakuntza-plana:

Espezializazio-ikastaro honetako lanbide-moduluak honako hauek dira:
• Segurtasuna ibilgailu hibrido eta elektrikoetan. (95 o.)
• Ibilgailu hibridoen eta elektrikoen propultsio-sistemak. (171 o.)
• Goi-tentsioko sistemak, bateriak eta karga. (171 o.)
• Indarren transmisioa eta kudeaketa termikoa. (133 o.)
• Lantokiko prestakuntza. (330 o.)