Lanbide-arloak

Fabrikazio mekanikoa - FME

Heziketa-zikloak > Goi-maila

METAL ERAIKUNTZETAKO GOI MAILAKO TEKNIKARIA

Sartzeko baldintzak:

Goi-mailako ziklo edo moduluetara sartzeko, honako baldintza hauetako bat bete behar da:
• Hezkuntzari buruzko maiatzaren 3ko 2/2006 Lege Organikoan ezarritako batxiler-titulua izatea.
• Lanbide Heziketako Teknikari edo Goi Teknikari titulua izatea.
• Batxilergoko irakasgai guztiak gainditu izana egiaztatzen duen ziurtagiria.
• Goi-mailako heziketa-zikloetan sartzeko proba gainditu izana, ziklo horren lanbide-familiari dagokion aukera baten bidez.
• Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoan ezarritako batxiler-titulua izatea.
• Lehengo Batxilergo Bateratu Balioanizduneko (BBB) ikasi eta gero emandako batxiler-titulua izatea. • Teknikari espezialista titulua izatea.
• Unibertsitate-titulua izatea.
• Unibertsitatera Bideratzeko Ikasturtea (UBI) edo unibertsitate-aurrekoa gainditu izana.
• Unibertsitatean sartzeko 25 urtetik gorakoentzako sarrera-proba gainditu izana.
• Batxilergo Esperimentaleko edozein modalitatetan 2. kurtsoa gainditu izana.
• Atzerriko ikasketak lehenago zerrendatutako tituluren batekin homologatzeko egiaztagiria.

 

Ikasketaren iraupena:

2.000 ordu

Zer ikasiko dut? Zer egingo dut?

Galdaragintzako produktuak, metal-egiturak eta industria-tutueriako instalazioak diseinatzea, eta produkzioa planifikatu, programatu eta kontrolatzea.

Profesional hau gai izango da:
• Metal-eraikuntzetako produktuak diseinatzeko, eta horien dimentsioak eta proba-planak ezartzean beharrezkoak diren kalkuluak egiteko.
• Diseinatutako produktuak fabrikatu eta mantentzean beharrezkoa den dokumentazio teknikoa prestatzeko, antolatzeko eta egunean edukitzeko.
• Metal-eraikuntzak fabrikatu, muntatu eta mantentzeko eragiketak zehazteko, multzoko eta fabrikazioko planoetan, eta jarraibide orokorretan bildutako informazio teknikotik abiatuta.
• Metal-eraikuntzetan erabiltzen diren zenbakizko kontroleko makinen, roboten eta manipulagailuen programazioa eta doikuntza ezarritako eskakizunetara egokitzen direla gainbegiratzeko.
• Produkzioa programatzeko, kudeaketa informatizatuko teknikak eta tresnak erabilita.
• Beharrezko hornikuntza zehazteko, hornikuntza une egokian gertatzen dela bermatuta.
• Bere arloko baliabideen mantentze-lana kudeatzeko, zeregin hori planifikatuz, programatuz eta betetzen dela egiaztatuz, lan-kargen eta mantentze-beharren arabera.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Profesional honek jarduera hauetan diharduten industrietan egiten du lan: andel handien, galdara astunen eta industria-tutueriaren fabrikazioa; mekanika-lantegiak; karrozerien, atoien eta iraulkien eraikuntza; ontzigintza eta ontzien konponketa; instalazio petrokimikoak; eta metal-eraikuntzen muntaia eta konponketa. Jarduera horiek metal-eraikuntzen produkzioaren esparruan garatzen ditu, industria-sektorearen barruan.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Unibertsitate-ikasketekin, indarrean dagoen araudiaren araberako baliozkotzeak ezarrita.

Zer-nolako lan-irtenbideak izango ditut?

• Eraikuntza mekanikoa.
• Metal-eraikuntzetako fabrikazioa.
• Metal-eraikuntzen muntaia.
• Galdaragintzako eta metal-egituretako delineatzaile proiektugilea.
• Galdaragintzako eta metal-egituretako ordenagailuz lagundutako diseinua (CAD).
• Galdaragintzako eta egituretako diseinu teknikoa.
• Fabrikazio mekanikoko sistema automatizatuen programazioa.
• Fabrikazio mekanikoko produkzioaren programazioa.
• Tutuerien garapena.
• Metal-eraikuntzak eta horien muntaia.

Zer lanbide araututara sar daiteke titulazio honekin?

Titulu honen bidez ez da zuzenean inolako lanbide araututara sartzen.

Prestakuntza-plana:

Hauek dira heziketa-ziklo honetako lanbide-moduluak:
• Fabrikazio mekanikoko irudikapen grafikoa. (165 o.)
• Metal-eraikuntzen diseinua. (280 o.)
• Metal-eraikuntzen prozesuen definizioa. (165 o.)
• Fabrikazio mekanikoko sistema automatikoen programazioa. (100 o.)
• Produkzioaren programazioa. (120 o.)
• Metal-eraikuntzen mekanizazio-, ebaketa- eta konformazio-prozesuak. (198 o.)
• Metal-eraikuntzen lotura- eta muntaia-prozesuak. (198 o.)
• Kalitatearen kudeaketa, laneko arriskuen prebentzioa eta ingurumen-babesa. (165 o.)
• Metal-eraikuntzen proiektua. (50 o.)
• Ingeles teknikoa. (40 o.)
• Laneko prestakuntza eta orientabidea. (99 o.)
• Enpresa eta ekimen sortzailea. (60 o.)
• Lantokiko prestakuntza. (360 o.)

IVAC-EEI-ko Komunikazioak
© IVAC/EEI 2013. Eskubide guztiak erreserbatuta / Web diseinua Labrys Igo ↑ RSS RSS feed Protección de datos y Política de Cookies