INDUSTRIA AEROESPAZIALERAKO SOLDADURA

Programarekin lotutako tituluak:

• Soldadurako eta galdaragintzako teknikaria.

Ikasketaren iraupena:

800 ordu

Zer ikasiko dut? Zer egingo dut?

Soldadura bidez pieza galdatuak mekanizatu eta konpontzea, gas-turbinen merkatu espezifikorako eta, oro har, merkatu industrialerako, kalitaterik handieneko irizpideen arabera doitasunezko elementuak produzitzeko xedez, segurtasun-baldintzetan eta indarrean dauden araudiak betez.

Profesional hau gai izango da:
• Piezaren informazio teknikoa lortzea mekanizaziorako, fabrikazio-planoaren interpretazioa oinarri hartuta.
• Piezaren geometria solidoak diseinu-aplikazio informatikoz egokitzea (CAD), ondoren konformatzeko, makinaren tipologiaren, erabilitako lanabesen eta eskura dauden erreminten arabera, dauden araudiekin bat etorriz.
• Soldadura-ekipoak prestatu eta puntuan jartzea, baita industria aeroespazialean erabilitako materialen soldatzeko prozesua analizatzea ere, lan-parametroen balioak, faseak eta egin beharreko operazioak zehaztuta.
• Soldadura-ekipoak maneiatzea soldadurak lortzeko, lan-prozedurak, araudia eta kalitate-betekizunak betez, segurtasun-baldintzetan eta ingurumen-jarraibideak errespetatuz.
• Mekanizazio-erremintak aukeratzea, eta haien ezaugarri teknologikoak egin beharreko operazioekin eta lortu beharreko azaleko akaberekin lotzea.
• Mekanizazio-ekipo eta -erremintak maneiatzea, industria aeroespazialerako azkeneko pieza lortzeko, ezarritako prozedurei jarraikiz, kalitate-betekizunak eta araudia betez, segurtasun-baldintzetan, eta ingurumen-jarraibideak errespetatuz.
• Industria aeroespazialerako galdaketa-produktuaren ezaugarriak egiaztatzea, egiaztapen- tresnak eta -ekipoak kalibratuz.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Sektore aeronautikoan erabilitako materialen TIG soldadorea.
• Industria aeronautikoan erabilitako elementu metalikoen muntatzailea.

Zer-nolako lan-irtenbideak izango ditut?

Lanbide-titulu hau duenak sektore aeronautikoan egiten du lan, batez ere motor aeronautiko eta industrialen fabrikazioaren merkatuan diharduten enpresetan, honako hauei erantzuna emanez: mikrofusio bidez galdatutako piezen produkzioa, hutseko labe berezietan egindako superaleazioen galdaketak eta altzairu herdoilgaitzeko galdaketak, muga elastiko jasoan aleatutako altzairuak eta aireko labe berezietan egindako aleazioak.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• Industria aeroespazialerako galdaketa bidez lortutako aleazio-elementuen planoak interpretatzea. (160 o.)
• Industria aeroespazialerako galdaketa bidez lortutako aleazio-elementuak eraldatzea. (150 o.)
• Industria aeroespazialerako propultsatzaileetan instalatu beharreko galdaketa-produktuen soldadura. (170 o.)
• Industria aeroespazialerako galdaketa-produktuaren ezaugarrien autokontrola eta segurtatzea. (100 o.)
• Langilearen erantzukizuna osasun produktiboaren arloan (laneko segurtasuna eta osasuna), industria aeroespazialerako produktuekiko operazioetan. (100 o.)
• Barneko eta egoeraren araberako konpetentzia pertsonalen garapena. (120 o.)