DISEINU ETA FABRIKAZIO-PROZESUAN DAGOEN PRODUKTU BATEN BIZITZAZIKLOA

Programarekin lotutako tituluak:

• Fabrikazio mekanikoko diseinuko goi-mailako teknikaria.
• Fabrikazio mekanikoko produkzioa programatzeko goi-mailako teknikaria.

Ikasketaren iraupena:

700 ordu

Zer ikasiko dut? Zer egingo dut?

Enpresa baten kudeaketa integraleko plataformen bidez produktu mekanikoak diseinatu eta fabrikatzeko prozesuak kudeatu eta garatzea, produktuaren bizitza-zikloan zehar proiektuen kudeaketa, agirien kudeaketa eta produktuaren kudeaketa PLMetan (produktuen bizitzazikloaren kudeaketetan) zehaztuz, kudeaketaren eta produktuen kalitatea bermatuta.

Profesional hau gai izango da:
• Mekanizazio-prozesuak zehaztea, planoetan, fabrikazio-arauketan eta PLM (produktu baten bizitza-zikloaren kudeaketa) tresna integralaren barruan integratutako katalogoetan jasotako informazio teknikoa interpretatuz.
• Ekipo-ondasunak muntatzeko prozedurak gauzatzea, planoetan, fabrikazio-arauetan eta katalogoetan jasotako informazioa interpretatuz, PLM (produktu baten bizitza-zikloaren kudeaketa) inguru multilokalizatuetan diseinua eta ekoizpena guztiz kudeatzen dituen plataforma zentralizatuaren bidez.
• Mekanizaziorako kontrol numerikoko makinak programatu eta prest jartzea, kalitatearen, lanarriskuen prebentzioaren eta ingurumen-babesaren gaineko araudiak betetzen direla bermatuz, aeronautika bezalako sektoreen eskakizun altuak eta herrialde desberdinen berezko aginduak kontuan hartuta.
• Mekanizazio-ibilbideak programatzea, kudeaketa informatizatuko tresnak eta teknikak erabiliz (CAM inguru zehatza; ordenagailuz lagundutako ekoizpena), horiek betetzen direla eta aurreikusi gabeko egoerei erantzuten zaiela kontrolatuz.
• Ingeniaritzako materialen zerrenda zehaztea, berau sortzen duten materialen egiturarekin. Material horiek fabrikazio-prozesuan zehar duten kontsumoa zehaztea.
• Fabrikazio-prozesuak herrialde desberdinen araudien arabera ezarritako prozeduretara egokitzen direla bermatzea, horien garapena ikuskatuz eta kontrolatuz eta egon daitezkeen gorabeherak horien arrisku-kudeaketaren bidez konponduz. ECR-Ingeniaritzako aldaketen eskaria, eta ECO-Ingeniaritzako aldaketen agindua.
• Kalitate-sistemei eta kudeaketa-ereduei eustea, arauak, prozesuak eta jarraibideak betetzen direla zainduz eta ikuskatuz, eta agirien erregistroa kudeatuz. Modulu zehatz baten barruan egingo da hori, kudeaketa-plataformaren baitan.
• Taldeko kideak aldaketa funtzional eta teknologikoetara egokitzen direla sustatzea, berrikuntza eta hobekuntza indartuz lehiakortasuna areagotzeko asmoz.
• Fabrikazio mekanikoko produktuen eraikuntza-irtenbideak sortzea, beren erantzukizun-mailari jarraikiz, horien dimentsioak ezartzeko beharrezko diren kalkuluak eginez eta froga-planak zehaztuz.
• Diseinatutako produktuak fabrikatzeko beharrezko den dokumentazio teknikoa kudeatu eta eguneratuta edukitzea. PLM (produktu baten bizitza-zikloaren kudeaketa) barruan proiektuak kudeatzea.
• Fabrikazioaren, eskarien, erabileraren eta egindako kalkulu teknikoen emaitzen arabera, osagaiak eta materialak aukeratzea, industria-produktuen katalogoak eta informazio eleanitzeko veste iturri batzuk erabiliz.
• Multzo eta fabrikazioko planoak marraztea, industria-marrazketako arauen arabera, ordenagailuz lagunduko diseinua-CAD softwarea eta ekipoak erabiliz.
• Diseinuan aldaketak egitea, prototipoa fabrikatzean antzemandako arazoen arabera. ECRIngeniaritzako aldaketen eskaria, eta ECO-Ingeniaritzako aldaketen agindua.
• Proiektu-planoen dokumentazio tekniko osagarria egin eta eguneratuta edukitzea (erabileraeta mantentze-jarraibideak, eskemak, ordezkoak, besteak beste), bitarteko informatikoak erabiliz. Dokumentu-kudeaketa.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Teknikari-aditua, proiektuko zuzendariari lan tekniko guztietan lagunduko diona.
• Ataleko burua. Giza baliabideak jartzen dituena, lan-ekipoak sortuz: diseinu, administrazioa, erosketa eta abarren ekipoak.
• Prozesugilea. Fabrikazio-prozesuak zehaztea. Eragiketak, tresnak, erremintak, makinako baliabideen esleipena, denboraren kudeaketa eta abar prestatzea.
• Proiektugilea. Fabrikazio-planoak zehaztu eta egitea, prozesuan osatu beharreko eragiketak deskribatuta.
• Erreminta-diseinatzailea. Fabrikazio-prozesuan zehar egin beharreko erremintak zehaztu eta gauzatzea.
• CNC programatzailea. Prozesu baten fabrikazio-eragiketetan zehar egin beharreko mekanizazio-ibilbideak zehaztu, gauzatu eta simulatzea.

Zer-nolako lan-irtenbideak izango ditut?

Profesional honek ingeniaritza, diseinu eta fabrikazioaren sektorearen barruko materialaren equipo mekanikoen eraikuntza bezalako azpi-sektoreekin lotutako metalen eraldaketa-industrietan egiten du lan.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• PLM (produktu baten bizitza-zikloaren kudeaketa) tresnen pean prozedura kudeatzea). (50 o.)
• Diseinu mekanikoa enpresa-kudeaketa integraleko inguruetan. (150 o.)
• Teamcenter Manufacturing oinarri hartuta, fabrikazio-prozesuak sortzea. (100 o.)
• Fabrikazio mekanikoa, makinan dimentsioen kalitatea bermatuta. (150 o.)
• Diseinu- eta fabrikazio-prozesuan dagoen produktu baten bizitzazikloaren proiektua. (250 o.)