MAHASTIZAINTZAKO ETA ARDOGINTZAKO GOI-MAILAKO TEKNIKARIA

Sartzeko baldintzak:

Goi-mailako ziklo edo moduluetara sartzeko, honako baldintza hauetako bat bete behar da:
• Batxiler-titulua edo batxilergoko ikasgai guztiak gainditu izanaren ziurtagiria izatea.

• BBBeko 3. maila gaindituta izatea (Batxilergo Bateratu Balioaniztuna): Ziurtagiri akademiko baten bidez egiaztatzea gainditu direla batxiler-titulua lortzeko irakasgai guztiak, irakaskuntzen hirugarren ikasturtea amaitu ondoren, Hezkuntzari eta Hezkuntzaren Erreforma Finantzatzeari buruzko abuztuaren 4ko 14/1970 Lege Orokorrak araututakoaren arabera. EFP/1210/2021 Agindua, azaroaren 2koa, aurreko hezkuntza-sistemako ikasketa eta titulu jakin batzuen baliokidetasuna ezartzen duena, lanbide-heziketako irakaskuntzetan sartzeko.
• Batxilergo esperimentaleko edozein modalitatetako bigarren maila gainditu izana.
• Teknikari-titulua izatea (erdi-mailako lanbide-heziketa).
• Goi-mailako teknikariaren edo teknikari espezialistaren titulua edo baliokidea izatea ondorio akademikoetarako.
• Unibertsitatera Bideratzeko Ikasturtea gainditu izana.
• Unibertsitate-titulua edo baliokidea izatea.
• Goi-mailako heziketa-zikloetara sartzeko proba gainditu izana (gutxienez 19 urte izan behar dira proba egiten den urtean, edo 18 teknikari-titulua dutenen kasuan).
• 25 urtetik gorakoentzako unibertsitatera sartzeko proba gainditu izana.

Ikasketaren iraupena:

2.000 ordu

Zer ikasiko dut? Zer egingo dut?

Mahastizaintzako eta ardogintzako industriaren produkzioa antolatzea, programatzea eta ikuskatzea, betiere mahastizaintzako produkzioa eta ardoak eta deribatuak elaboratzeko, egonkortzeko eta ontziratzeko lanak kontrolatuz.

Profesional hau gai izango da:
• Mahastizaintzako produkzioa eta destilakinen, ozpinen eta beste produktu deribatu batzuen elaborazioa programatzeko, koordinatzeko eta kontrolatzeko.
• Ardoak eta deribatuak egonkortzeko eta ontzeko eragiketak programatzeko.
• Tresneria eta instalazioak programatzeko eta gainbegiratzeko.
• Mahastizaintzako eta ardogintzako enpresako produktuak merkaturatzeko eta sustatzeko.
• Mahastizaintzako eta ardogintzako enpresako logistika planifikatzeko, eta lehengaiak, gai osagarriak eta produktu elaboratuak hornitzeko, biltegiratzeko eta bidaltzeko eragiketak antolatzeko.
• Kalitatea kontrolatzeko eta bermatzeko, oinarrizko entsegu fisikoen, kimikoen, mikrobilogikoen bidez eta analisi organoleptikoen bidez.
• Produkzio-prozesuan baliabideen erabilera eraginkorra, bilketa hautakorra, arazketa eta  hondakinen ezabaketa gainbegiratzeko.

Irakaskuntza horietan, honako zeregin hauetarako beharrezko ezagupenak hartzen dira barnean:
• Laneko arriskuen prebentzioko oinarrizko mailako jarduerak egiteko.
• Elikagai-manipulatzaileen txartela lortzeko.

Nire ikasketak amaitzean, zer egin dezaket?

Lanak:
• Mahatsa produzitzen edo ardoa egiten, ontzen eta ontziratzen duten mahastizaintza eta ardogintzako enpresa txiki, ertain eta handietan, baita ardo destilakinen, muztio kontzentratuen, ozpinen eta mahatsaren eta ardoaren beste produktu eratorri batzuen arloko enpresa txiki, ertain eta handietan ere.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Unibertsitate-ikasketekin, indarrean dagoen araudiaren araberako baliozkotzeak ezarrita.

Zer-nolako lan-irtenbideak izango ditut?

• Mahastizaintzailea eta ardogilea.
• Distilatzeko eta zuzentzeko prozesuen arduraduna.
• Muztio freskoak eta sulfatatuak jasotzeko arduraduna.
• Distilazio- eta kontzentrazio-zutabeen ikuskatzailea.
• Destilakinak, kontzentratuak eta ozpinak ontziratzeko lerroko arduraduna.
• Destilakinak eta ozpinak zahartzearen eta ontzearen arduradunak.
• Analista sentsoriala.

Zer lanbide araututara sar daiteke titulazio honekin?

• Mahastizaintzako eta ardogintzako teknikari espezialista.

Prestakuntza-plana:

Hauek dira heziketa-ziklo honetako lanbide-moduluak:
• Mahastizaintza. (198 o.)
• Ardogintza. (231 o.)
• Prozesu biokimikoak. (198 o.)
• Egonkortzea, ontzea eta ontziratzea. (120 o.)
• Analisi enologikoa. (198 o.)
• Industria eratorriak. (100 o.)
• Dastaketa eta mahastizaintza eta ardogintzako kultura. (80 o.)
• Elikagaien industriako merkaturatzea eta logistika. (100 o.)
• Mahastizaintza eta ardogintzako legeria eta elikagaien segurtasuna. (66 o.)
• Elikagaien industriako kalitatearen eta ingurumenaren kudeaketa. (100 o.)
• Mahastizaintza eta ardogintzako industriako proiektua. (50 o.)
• Ingeles teknikoa. (40 o.)
• Laneko prestakuntza eta orientabidea. (99 o.)
• Enpresa eta ekimen sortzailea. (60 o.)
• Lantokiko prestakuntza. (360 o.)