OLIBA-OLIOETAN ETA ARDOETAN TEKNIKARIA

Sartzeko baldintzak:

Erdi-mailako ziklo edo moduluetara sartzeko, gutxienez honako baldintzetako bat bete behar da:
• Derrigorrezko Bigarren Hezkuntzako graduatu-titulua edo goi-mailako ikasketa-maila izatea.

• Oinarrizko lanbide-titulua izatea (oinarrizko lanbide-heziketa).
• Teknikariaren edo teknikari laguntzailearen titulua edo baliokidea izatea ondorio akademikoetarako.
• Batxilergo Bateratu Balioanizduneko (BBB) bigarren maila gainditu izana.
• Erdi-mailako heziketa-zikloetara sartzeko proba gainditu izana (gutxienez hamazazpi urte beteta izan beharko dira proba egiten den urtean).
• 25 urtetik gorakoentzako unibertsitatera sartzeko proba gainditu izana.

Ikasketaren iraupena:

2.000 ordu

Zer ikasiko dut? Zer egingo dut?

Oliba-olioak, ardoak eta beste edari batzuk elaboratzea eta ontziratzea, produkzio- eta kalitate-planen arabera, eta tresneriaren lehen mailako mantentze-lanak egitea.

Profesional hau gai izango da:
• Oliba-olioa ateratzeko, prozedura- eta kalitate-eskuliburuetan ezarritako baldintzetan.
• Oliba-olioak fintzeko eta egokitzeko eragiketak gidatzeko.
• Destilakinak eta edari espiritutsuak elaboratzeko.
• Akabera- eta egonkortze-eragiketak egiteko.
• Hartzidurak kontrolatzeko.
• Lehengaiak eta gai osagarriak hornitzeko eta biltegiratzeko.
• Elaboratutako produktuak ontziratzeko, etiketatzeko eta enbalatzeko.
• Produkzio-tresneria erregulatzeko.
• Tresneria eta instalazioak prestatzeko eta mantentzeko, horien funtzionamendua eta higienea bermatuta.
• Elaboratutako produktuak marketin-teknikak aplikatuta sustatzeko eta merkaturatzeko.

Irakaskuntza horietan, honako zeregin hauetarako beharrezko ezagupenak hartzen dira barnean:
• Laneko arriskuen prebentzioko oinarrizko mailako jarduerak egiteko.
• Elikagai-manipulatzaileen txartela lortzeko.

Nire ikasketak amaitzean, zer egin dezaket?

Lanak:
• Oliba-olioa, ardoa, eta beste edari batzuk elaboratzeko eta ontziratzeko industrian, eta teknologia tradizionala edo aurreratua duten enpresetan.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako ziklo batekin.
• Erdi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Batxilergoarekin, haren edozein modalitatetan.

Zer-nolako lan-irtenbideak izango ditut?

• Upeltegiko maisua.
• Olio-errotako maisua.
• Olio-errotako eta upeltegiko laguntzailea.
• Olio-errotako eta upeltegiko saltzailea.

Zer lanbide araututara sar daiteke titulazio honekin?

• Ardoen elaborazioko teknikaria.

Prestakuntza-plana:

Hauek dira heziketa-ziklo honetako lanbide-moduluak:
• Olioaren, ardoaren eta beste edari batzuen industriako lehengaiak eta produktuak. (115 o.)
• Oliba-olioa ateratzea. (110 o.)
• Ardoen elaborazioa. (155 o.)
• Mantentze elektromekanikoaren printzipioak. (55 o.)
• Oliba-olioak egokitzea. (90 o.)
• Beste edari eta deribatu batzuen elaborazioa. (110 o.)
• Analisi sentsoriala. (50 o.)
• Elikagaien salmenta eta merkaturatzea. (40 o.)
• Elikagaien industrietako biltegiko lanak eta kontrola. (35 o.)
• Elikagaiak manipulatzeko segurtasuna eta higienea. (35 o.)
• Laneko prestakuntza eta orientabidea. (50 o.)
• Enpresa eta ekimen sortzailea. (35 o.)
• Lantokiko prestakuntza. (220 o.)