TRESNERIA MANTENTZEA INDUSTRIA KIMIKOKO INSTALAZIOETAN ETA ENERGIA ETA URA EKOIZTU ETA BANATZEKO INSTALAZIOETAN

Programarekin lotutako tituluak:

• Automatizazioko eta robotika industrialeko goi-mailako teknikaria.

Ikasketaren iraupena:

660 ordu

Zer ikasiko dut? Zer egingo dut?

Industria kimikoko instalazioak eta energia eta ura ekoiztu eta banatzeko instalazioak automatizatzeko prozesu integratuak neurtzeko, erregulatzeko eta kontrolatzeko sistemen muntatze-lanak eta mantentze-lanak planifikatzea, gauzatzea, frogatzea eta ikuskatzea. Lan eta ingurumen-arriskuak prebenitzeko arauak beteko dira, baita kalitateko irizpideak ere.

Profesional hau gai izango da:
• Industria kimikoko instalazioetan eta energia eta ura ekoiztu eta banatzeko instalazioetan dauden neurtzeko, erregulatzeko eta kontrolatzeko (era sinplean nahiz automatikoan) edozein ekipo motaren muntaketa eta ahokadura planifikatzea, gauzatzea eta ikuskatzea.
• Industria kimikoko instalazioetan eta energia eta ura ekoiztu eta banatzeko instalazioetan sartutako edozein motatako instalazio automatikoren eta komunikazio-sistemaren muntaketa planifikatzea, gauzatzea eta ikuskatzea.
• Industria kimikoko instalazioak eta energia eta ura ekoiztu eta banatzeko instalazioak automatizatzeko esku hartzen duten osagaiak eta instalazioak muntatzeko eta mantentzeko erabilitako dokumentu teknikoen edukia interpretatzea eta frogatzea
• Industria kimikoko instalazioak eta energia eta ura ekoiztu eta banatzeko instalazioak automatizatzeko begizta eta kontrol-sistema berezien tipologiak aukeratzea. Eskatzen den aplikazioan, funtzioa modu eraginkorrean betetzen dela bermatuko da.
• Instalatutako sistema automatikoen egonkortasuna bermatzea. Horretarako, beharrezkoak diren egokitzapenak egingo dira erabilitako tresnetan, segurtasun-arauei jarraikiz, eta jarduerak dakartzan lan-arriskuak prebenitzeko irizpideak betez.
• Industria kimikoko eta energia eta ura ekoiztu eta banatzeko instalazio automatikoak mantentzeko beharrezkoak diren ekintzak programatzea eta gauzatzea. Horretarako, behar bezala erabiliko dira dagozkion teknikak, eta jarduerak dakartzan lan-arriskuak prebenitzeko irizpideak beteko dira.
• Industria-instalazioak automatizatzeko sistemak instalatzeko eta mantentzeko prozesuetan, lanarriskuak prebenitzeko plana ikuskatzea eta gauzatzea. Pertsonen, baliabideen eta inguruaren osotasuna bermatuko da.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Automatizazio industrialeko sistemak mantentzeko lanen antolamenduko teknikaria.
• Automatizazio industrialeko sistemak martxan jartzeko teknikaria.
• Automatizazio industrialeko sistemen muntatzea gainbegiratzen duen taldeko burua.
• Automatizazio industrialeko sistemen mantentze-lanetako ikuskaritza-taldeko burua.
• Mantentze-lanak antolatzeko ofiziala.

Zer-nolako lan-irtenbideak izango ditut?

Figura honek industria kimikoko sektoreko eta energia eta ura ekoiztu eta banatzeko sektoreko enpresa industrialetan gauzatzen du jarduera. Berezitasun nagusia da jarioak garraiatzeko instalazioen presentzia handia dela, eta dagozkien makina edo ekipo zehatzekin, produkzio industrialaren beste inguru batzuetan erabiltzen ez diren bestelako automatizazio-sistemak behar dituztela. Testuinguru horretan, mota horietako enpresetako mantentze-lanetako ofizialek dituzten lanbide-gaitasunak eta -trebetasunak behar bezain zehatzak izango dira sektore horietan. Gaur egun ez daude zuzenean Lanbide Heziketan sartuta.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• Automatizazio-sistemak industria kimikoko instalazioetan eta energía eta ura ekoiztu eta banatzeko instalazioetan. (200 o.)
• Industria kimikoko instalazioetan eta energia eta ura ekoiztu eta banatzeko instalazioetan tresnak muntatzea. (220 o.)
• Industria kimikoko instalazioetan eta energia eta ura ekoiztu eta banatzeko instalazioetan tresnak mantentzea. (140 o.)
• Lan- eta ingurumen-arriskuak prebenitzea industria kimikoko instalazioak eta energia eta ura ekoiztu eta banatzeko instalazioak. (100 o.)