Lanbide-arloak

Elektrizitatea eta elektronika - ELE

Espezializazioak > Espezializazio Programak

MUGIKORTASUN ELEKTRIKOA

Programarekin lotutako tituluak:

• Sistema elektrotekniko eta automatizatuetako goi-mailako teknikaria.
• Mantentze-lan elektronikoetako goi-mailako teknikaria
• Automatizazioko eta robotika industrialeko goi-mailako teknikaria.

Ikasketaren iraupena:

1000 ordu

Zer ikasiko dut? Zer egingo dut?

Ibilgailu elektriko bat eta haren azpimultzoak mihiztatuta, loturak eginda eta abiarazteko moduan daudela egiaztatzea, produktua baliozkotzat jotzeko ekipamendu egokiak eta software-aplikazioak erabiliz, konponbide teknikoak eta litezkeen hobekuntzak proposatzea, eta tokian tokiko sostengu teknikoa mantentzea eta eskaintzea, arazoak konpontzeko produktua abian jartzean, segurtasunaren, kalitatearen eta ingurumenaren kudeaketa integratuan ezarritako parametroak beteta.

Profesional hau gai izango da:
• Ibilgailu baten karga- eta biltegiratze-sistemaren diagnostikoa eta traza-irakurketa egitea, bai eta barne-komunikazioena ere, PCAN Explorer programaren edo antzeko beste software baten bidez, aldagai garrantzitsuenak neurtuz, monitorizatuz eta aztertuz.
• Ibilgailu elektrikoaren karga- eta biltegiratze-instalazioetako sistema elektronikoen diagnostikoa egitea, zenbait neurketa-ekipo, multimetro, osziloskopio eta abar erabiliz.
• Ibilgailu elektriko baten mugimendua kontrolatzeko sistemako datuak aztertzea, datuak eskuratzeko zenbait software erabiliz, IPE motion delakoa besteak beste, ibilgailu elektrikoaren sistemen funtzionamendua optimizatzeko.
• Sistemetan, seinale analogikoak eta digitalak, hozte-sistema, estutzeak, babesak berrikustea.
• Funtzionalitateetan, bateriak kargatzeko eta biltegiratzeko sistemetan, sistema txertatuetan eta, oro har, ibilgailu elektrikoan aurkitutako akatsetarako konponbide teknikoak asmatzea eta proposatzea.
• Produktuaren hobekuntzak asmatzea eta proposatzea, funtzionalitateetan, bateriak kargatzeko eta biltegiratzeko sistemetan, sistema txertatuetan eta, oro har, ibilgailu elektrikoan erabilitako konponbide teknikoetan oinarrituta.

Nire ikasketak amaitzean, zer egin dezaket?

Honako lanbide hauetako bat izan dezakezu:
• LTZko teknikaria.
• Proben teknikaria (sistemak egiaztatzea eta abiaraztea):
   - Bateria-teknikaria.
   - Trakzio-teknikaria.
   - Karga-teknikaria.
   - Sistemen integrazioko teknikaria.

Zer-nolako lan-irtenbideak izango ditut?

Profesional honek ibilgailu elektrikoak diseinatu eta fabrikatzeko enpresetan egiten du lan, bai eta balio-katean produktuak eta/edo zerbitzuak garatzen dituzten enpresetan ere, mugikortasun elektrikorako irtenbide globalak emateko. Batez ere produkzio-prozesuaren azken fasean parte hartzen dute, proben sailean eta laguntza teknikoko zerbitzuan (LTZ).

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• Ibilgailu elektriko baten trakzio-sistemak. (200 o.)
• Ibilgailu baten energia eta karga biltegiratzeko sistemak. (250 o.)
• Potentzia-elektronika. (250 o.)
• Ibilgailu elektrikoak kontrolatzeko eta datuak eskuratzeko sistemak. (150 o.)
• Ibilgailu elektrikoko eta karga-sistemetako komunikazio-sistemak. (100 o.)
• 4.0 teknologiek mugikortasun elektrikoan duten aplikazioa. (50 o.)

IVAC-EEI-ko Komunikazioak
© IVAC/EEI 2013. Eskubide guztiak erreserbatuta Igo ↑ RSS RSS feed Datuen Babesa edo DBLO eta Cookien Politika