Lanbide-arloak

Elektrizitatea eta elektronika - ELE

Espezializazioak > Espezializazio Programak

ENERGIA ELEKTRIKOA BANATZEN DUTEN INSTALAZIOEN ERAGIKETAK ETA MANTENTZE INTEGRALA

Programarekin lotutako tituluak:

• Instalazio elektriko eta automatikoetako teknikaria.

Ikasketaren iraupena:

680 ordu

Zer ikasiko dut? Zer egingo dut?

Energia elektrikoa banatzeko sareak eta instalazioak mantendu eta horietan jardutea, indarreko araudia eta legedia, eta kalitate, segurtasun eta lan-arriskuen gaineko protokoloak aplikatuz, eta ingurumenarekiko errespetua eta funtzionaltasuna bermatuta.

Profesional hau gai izango da:
• Muntaketa- eta mantentze-lanekin lotutako logistika aplikatzea, instalazio eta ekipoen dokumentazio teknikoa interpretatuz.
• Instalazio eta ekipoen oinarrizko konfigurazioa egin eta dimentsioak ezartzea, horiek osatzen dituzten elementuen dimentsioak eta kokapena zehaztuz, arauzko aginduak beteta.
• Aurrekontu-balioespenen ekipoekin lankidetzan aritzea, instalazioaren edo ekipoaren mantentze- edo muntaketa-aurrekontua egiteko.
• Muntaketa edo mantentzea gauzatzeko baliabide edo bitartekoak biltzea.
• Instalazioa birplanteatzea, dokumentazio teknikoaren arabera, bere eskumeneko arazoak ebatziz eta beste gorabehera batzuen berri emanez, muntaketa bideragarria dela bermatzeko.
• Tentsio altuko banaketa-sareetan elementuak eta elementu osagarriak muntatzea, kalitatearen, segurtasunaren eta ingurumenarekiko errespetuaren gaineko baldintzetan.
• Instalazioak eta ekipoak mantendu eta konpontzea, elementuak egiaztatu, egokitu eta ordezkatzeko eragiketak eginez, beren funtzionamendua lehengoratuz, kalitatearen, segurtasunaren eta ingurumenarekiko errespetuaren gaineko baldintzetan.
• Instalazioaren edo ekipoaren funtzionamendua egiaztatzea, froga funtzionalen eta segurtasunekoen bidez, hura martxan edo prest jartzeko.
• Dagozkion eskumenen barruan, dokumentazio teknikoa eta administratiboa prestatzea, indarreko araudi eta legediaren eta bezeroaren eskakizunen arabera.

Nire ikasketak amaitzean, zer egin dezaket?

Honako lanbide hauetako bat izan dezakezu:
• Lantokiko agentea.
• BT eta MT sareetako tokiko operadorea.
• BT eta AT aireko eta lurpeko linea elektrikoen instalatzailea eta konpontzailea.
• Energia elektrikoa banatzen duten sare edo zentroetako instalatzaile-mantentzailea.
• Azpi-estazio elektrikoetako AT instalazio elektrikoen instalatzaile-mantentzailea

Zer-nolako lan-irtenbideak izango ditut?

Profesional honek tentsio altuko eta baxuko instalazio eta azpiegitura elektrikoak muntatu eta mantentzen aritzen diren enpresetan (batez ere pribatuetan) egiten du lan.

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• Energia elektrikoko instalazioak eraiki, muntatu eta martxan jartzea. (170 o.)
• Lantokiko operadoreak eta agenteak /deskargua. (120 o.)
• Energia elektrikoko instalazioak mantentzea. (200 o.)
• Metalaren sektorerako eraikuntzako txartel profesionala. (90 o.)
• Eragiketa osagarriak energia elektrikoko instalazioetan, eraikuntzan, muntaketan eta abiaraztean. (100 o.)

IVAC-EEI-ko Komunikazioak
© IVAC/EEI 2013. Eskubide guztiak erreserbatuta Igo ↑ RSS RSS feed Datuen Babesa edo DBLO eta Cookien Politika