Lanbide-arloak

Elektrizitatea eta elektronika - ELE

Espezializazioak > Espezializazio Programak

EKIPO ELEKTRONIKO INTEGRATUEN (EMBEDDED) GARAPENA

Programarekin lotutako tituluak:

• Automatizazioko eta robotika industrialeko goi-mailako teknikaria.
• Mantentze-lan elektronikoetako goi-mailako teknikaria.

 

Ikasketaren iraupena:

800 ordu

Zer ikasiko dut? Zer egingo dut?

Zirkuitu inprimatuaren xaflak eta zirkuituetako osagai elektronikoak diseinatzea, kudeatzea eta ikuskatzea (bai prototipoen prozesuetan, bai produkzio-prozesuetan), eta kontrol mikropro-gramagarrien kontrol- eta potentzia-ekipo elektronikoak diseinatzea, fabrikatzea, muntatzea eta mantentzea, hori dena kalitate-irizpide jakin batzuk, segurtasun-baldintza batzuk, eta indarrean dauden araudiak betez.

Profesional hau gai izango da:
• Zirkuitu elektronikoen eskemak marraztea, diseinuaren zehaztapenak interpretatuz eta CAD elektronikoaren berariazko softwarea maneiatuz. Horretarako, kasuan kasu dagokion araudia beteko da, eskatzen den kalitatea betez.
• Zirkuitu inprimatuaren xaflak lortzea eta/edo berriz egokitzea. Horretarako, tresna zehatz batzuk erabiliko dira, eta soluzioa justifikatuko da zirkuitu elektronikoaren ezaugarrien arabera, dagozkien estandarrak eta eskatzen den kalitatea betez.
• Zirkuitu elektronikoak eraikitzea. Horretarako, mekanizazio-, soldatze- eta akabera-teknikak aplikatuko dira, ezarritako prozedurei jarraikiz. Kalitate- eta segurtasun-baldintzak beteko dira, ingurumena errespetatuz eta ezarritako erantzuteko denbora betez.
• Zirkuitu inprimatuaren xaflak muntatzea prototipoetarako. Horretarako, beharrezkoak diren egokitzapenak egingo dira ezarritako prozedurei jarraikiz, kalitate- eta segurtasunbaldintzak betez, eta ingurumena eta ezarritako erantzuteko denbora betez.
• Zirkuitu elektronikoak puntuan jartzea, zirkuituetako bloke eta/edo elementuetan egindako doitze- eta egiaztatze-lanak justifikatuz, kalitate- eta segurtasun-baldintza jakin batzuetan eta ezarritako erantzuteko denbora betez.
• Zirkuitu inprimatuko xaflen osagai eta materialen horniketa eta biltegiratzea nahiz trazabilitatea planifikatzea eta kudeatzea produkzio-sisteman. Horretarako, hauek hartuko dira kontuan: stock beharrizanak, osagaien prezioak, hornitzeko epeak, eta erabili edo ordeztu beharreko materialak hornitzeko epeak nahiz horien ezaugarri teknikoak.
• Mikroprozesadore eta/edo mikrokontrolagailuetan, aparatu logiko programagarrietan (FPGA) oinarritutako kontrol mikroprogramagarrien ekipo elektronikoetan, datuak eskuratzeko ekipo elektronikoetan, eta, oro har, potentziadun ekipo elektroniko eta produktu elektronikoetan oinarritutako kontrol mikroprogramagarrien ekipo elektronikoak aztertzea, neurriak egitea, doitzea, berriz diseinatzea eta berriz programatzea.
• Mikroprozesadoreetan eta/edo aparatu logiko programagarrietan (FPGA) nahiz oro har kontrol- eta potentzia-ekipo elektronikoetan eta produktu elektronikoetan oinarritako control mikroprogramagarrien ekipoen soluzio-materialak sortzea, planifikatzea eta abian jartzea, funtzionamendua, mantentze-lana eta hornikuntza egitea, planifikatzea eta kudeatzea.
• Mikroprozesadore eta/edo aparatu logiko programagarrietan (FPGA), kontrol- eta potentziaekipo elektronikoetan eta oro har produktu elektronikoetan oinarritutako kontrol-ekipo mikroprogramagarrien materiala diseinatzeko, planifikatzeko, muntatzea kudeatzeko, abian jartzeko, funtzionamendua frogatzeko, mantentzeko eta hornitzeko dokumentuak sortzea.
• Arriskuen segurtasun- eta prebentzio-neurriak betetzea eta betearaztea. Horretarako, kontuan hartuko dira lan-arriskuak prebenitzeko planak, pertsonen, baliabideen eta inguruaren segurtasuna bermatuz.
• Ingurumen- eta hondakin-kudeaketa egitea ekipo elektronikoak muntatzean eta mantentzean, ingurumen-arloko araudia errespetatuz.

Zer-nolako lan-irtenbideak izango ditut?

Figura profesional honek, oro har, sektore hauetan egiten du lan: kontsumorako ekipo eta sistemetarako ekipo elektroniko integratuen garapenean, energia banatzeko mikrosareetan, energia berriztagarrietan, kontrol-ekipo industrialetan, ibilgailu elektrikoetan, eta kontrol elektroniko integratuaren sistema (embedded) behar duten sistemetan (gaur egun erabiltzen diren sistema eta ekipo gehienetan aplika daitezke).

Zer lanbide araututara sar daiteke programa honekin?

Ez dago titulu honen bidez zuzenean sartzen den lanbide arauturik.

Prestakuntza-plana:

Espezializazio-ikastaro honetako ikaskuntza-eremuak honako hauek dira:
• Zirkuitu elektronikoen eskemak diseinatzea eta marraztea, eta zirkuitu inprimatuaren xaflak diseinatzea. (120 o.)
• Zirkuitu inprimatuaren prototipoen eta xafla-serieen muntatze eta eraikuntza-lanak kudeatzea. (160 o.)
• Mikroprozesadore eta/edo mikrokonputadoreetan oinarritutako kontrol mikroprogramagarrien ekipo elektronikoak diseinatzea, fabrikatzea, muntatzea eta mantentzea. (170 o.)
• Aparatu logiko programagarrietan oinarritutako control mikroprogramagarrien ekipo elektronikoak diseinatzea, fabrikatzea, muntatzea eta mantentzea (FPGAs). (110 o.)
• Datuak eskuratzeko, arautzeko eta kontrolatzeko ekipo elektronikoak diseinatzea, fabrikatzea, muntatzea eta mantentzea. (170 o.)
• Potentziadun ekipo elektronikoak diseinatzea, fabrikatzea, muntatzea eta mantentzea. (100 o.)

IVAC-EEI-ko Komunikazioak
© IVAC/EEI 2013. Eskubide guztiak erreserbatuta Igo ↑ RSS RSS feed Datuen Babesa edo DBLO eta Cookien Politika