Lanbide-arloak

Arteak eta eskulangintzak - ART

Heziketa-zikloak > Goi-maila

FALLAGINTZAKO ETA ESZENOGRAFIEN ERAIKUNTZAKO GOI-MAILAKO TEKNIKARIA

Fallagintzako eta eszenografien eraikuntzako goi-mailako teknikaria (LOE)

Ikasketaren iraupena:

2.000 ordu

Sartzeko baldintzak:

 

Goi-mailako heziketa-ziklo batean sartzeko, honako baldintza HAUETAKOREN BAT bete behar da:
• Batxilergoko titulua edukitzea.
• Erdi-mailako teknikariaren titulua edukitzea.
• Goi-mailako zikloetara sartzeko proba (proba egiten den urtean gutxienez 19 urte beteta izan beharko da) edo 25 urtetik gorakoentzako unibertsitaterako sarbide-proba gainditu izana.
• Batxilergoko irakasgai guztiak gainditu izana egiaztatzeko ziurtagiria edukitzea.
• Hezkuntza Administrazioak baimendutako ikastetxe publiko edo pribatuetan goi-mailako heziketa-zikloetara sartzeko prestakuntza-ikastaro espezifikoa gainditu izana.
• Sarbidearen ondorioetarako beste titulazio baliokide batzuk:

o Hezkuntza Sistemaren Antolamendu Orokorrari buruzko Lege Organikoan (urriaren 3ko 1/1990) ezarritako Batxilergoko titulua edukitzea.
o Batxilergo esperimentaleko edozein modalitatetako bigarren kurtsoa gainditu izana.
o Unibertsitatera Bideratzeko Ikasturtea (UBI) edo unibertsitate aurrekoa gainditu izana.
o Goi-mailako teknikariaren edo teknikari espezialistaren titulua edukitzea, edo ondorio akademikoetarako baliokidea den besteren bat.
o Unibertsitate-titulazioa edo baliokidea edukitzea.


Zer ikasiko dut? Zer egingo dut?

• Dekoratuak, eszenografiak, atrezzoak, fallak eta beste elementu batzuk eraikitzeko proiektu teknikoa egitea, irizpide artistikoak eta bideragarritasun teknikoak eta ekonomikoak baloratuta, talde artistikoak edo bezeroak emandako zirriborroak eta planoak abiapuntu izanik.
• Dekoratuak, agertoki-tresneria eta fallak eraikitzeko eta muntatzeko plana egitea, denborak, beharrak eta baliabideak finkatuta.
• Proiektuan edo dokumentazio teknikoan zehaztutako dekoratuen eta fallen egitura eusteko, mihiztatzeko eta lotzeko -arotzerian- elementuak egiteko lanak zehaztea, gainbegiratzea eta egitea, betiere bolumenen antolamendua, euste-gainazala eta bero-kargen banaketa kontuan hartuta eta ikuskizun publikoetako segurtasun-arauak gainbegiratuta eta beteta.
• Modelatzeko eta tailatzeko prozesuak antolatzea, gainbegiratzea eta egitea, proiektu teknikoan zehaztutako oinarrizko materialerako egokiak.
• Dekoratuetako, agertoki-tresneriako eta falletako irudiak, piezak eta apaindura-elementuak modelatzeko eta mihiztatzeko lanak antolatzea, gainbegiratzea eta egitea, proiektu teknikoan zehaztutako oinarrizko materialerako egokiak.
• Eszenografiako eta falletako akabera artistikoen prozesuak antolatzea, gainbegiratzea eta egitea (pinturak eta babesak, errotulazioak eta apaindura), betiere proiektuan definitutako bolumen eta koloreko efektu espresiboak eta artistikoak lortzearren.
• Agertoki-tresneriako elementuak, lorategietakoak, tapizeak, altzariak eta atrezzoa, oro har, antolatzea eta hautatzea, eszena girotzeko beharretara egokituta.
• Dekoratuak, agertoki-tresneria eta makineria eta fallak muntatzeko, desmuntatzeko eta mantentzeko lanak egitea eta koordinatzea, betiere proiektu teknikorako eta muntaia-planerako egokiak, deskribatutako efektu espresiboak eta artistikoak lortzearren.
• Zuzeneko ikuskizunen errepresentazioan, agertoki-tresneriaren eta -makineriaren eta efektu berezien aldaketa gainbegiratzea eta egitea, betiere oinak markatuta (testua, ekintzak, pasarte bateko puntua eta musika, besteak beste) dituzten zerrenda edo gidoi teknikoen arabera edo errejidorearen argibideen arabera.

Irakaskuntza hauek laneko arriskuen prebentzioko oinarrizko jarduerak gauzatzeko beharrezko ezagupenak hartzen dituzte barnean.

Nire ikasketak amaitzean, zer egin dezaket?

Lanak:
• Artista fallagilea.
• Foguerer.
• Artista gaiatagilea.
• Zuzeneko ikuskizunetako eta ikus-entzunezko ikuskizunetako eszenografia-dekoratuen eta bestelako kultura- eta aisialdi-espazioen eraikuntzako lantegi-burua.
• Zurezko arotzerian eta metalezko arotzerian espezializatuta dagoen eszenografia-dekoratuen eraikitzailea.
• Zuzeneko ikuskizunetako eta ikus-entzunezko ikuskizunetako eta kultura eta aisialdiko beste ikuskizun batzuetako eszenografia-dekoratuen apaindura eta akaberetako teknikari eraikitzailea.
• Eszenografia-dekoratuen eraikitzailea.
• Ikus-entzunezko ikuskizunen dekoratzailea.
• Ikus-entzunezko ikuskizunetako dekoratuen girotzailea.
• Ikus-entzunezko ikuskizunen eraikuntzako koordinatzailea.
• Ikus-entzunezko ikuskizunetako dekoratuen arotza.
• Zuzeneko ikuskizunetako makineriako arduraduna.
• Ehundegiko eta agertokiko makinaria.
• Zuzeneko ikuskizunetako tresneriako arduraduna.
• Eszenako tresnazaina.

Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Unibertsitate-ikasketekin, indarrean dagoen araudiaren araberako baliozkotzeak ezarrita.

Zer-nolako lan-irtenbideak izango ditut?

Profesional honek zuzeneko ikuskizunen eta antzerkiaren sektorean eta ikus-entzunezko ikuskizunetan eta zinematografikoetan egiten du lan, baita standen, azoken, parte tematikoen eta bestelako aisialdi-jardueren antolamenduan eta falla eta foguer ikuskizun tradizionalen eta beste jai herrikoi batzuen antolamenduan ere.

Zer lanbide araututara sar daiteke titulazio honekin?

Titulu honen bidez ez da zuzenean inolako lanbide araututara sartzen.

Prestakuntza-plana:

Hauek dira heziketa-ziklo honetako lanbide-moduluak:
• Eszenografien eta fallen diseinu teknikoa.
• Produkzioaren plangintza.
• Agertokiko egituren eta makineriaren produkzioaren antolamendua.
• Gorputz-irudien eta ninot-en produkzioaren antolamendua.
• Agertoki-tresneriaren produkzioaren antolamendua.
• Fallen muntaiaren antolamendua.
• Dekoratuen muntaiaren antolamendua.
• Ikuskizunen girotzea eta zerbitzua.
• Eszenografien eta fallen eraikuntza-proiektua.
• Laneko prestakuntza eta orientabidea.
• Enpresa eta ekimen sortzailea.
• Lantokiko prestakuntza.

IVAC-EEI-ko Komunikazioak
© IVAC/EEI 2013. Eskubide guztiak erreserbatuta / Web diseinua Labrys Igo ↑ RSS RSS feed Protección de datos y Política de Cookies